مسلم يطرح أغنيته الخامسة "طال بعدك" من ألبوم "وحشاني"
طرح المطرب مسلم، فيديو كليب أغنيته الجديدة "طال بعدك"، وهي الأغنية الخامسة من أغنيات ألبومه الجديد الذى يحمل عنوان "وحشاني"، وذلك على موقع الفيديوهات الشهير يوتيوب، وجميع المنصات الرقمية، ومحطات الراديو.
مسلم
أغنية "طال بعدك" لمسلم هي من كلمات أحمد عزب، وألحان كامل الجندي، وتوزيع موسيقى، إسلام شوقي، ومن إخراج كريم رفعت، وهى من توزيع شركة "ديجيتال ساوند".
ويقدم مسلم فى أغنية "طال بعدك" الطابع الدرامى، ويعبر فيها عن ألمه وحزنه الشديد بسبب ابتعاد حبيبته عنه، وشعوره بإحساس صعب، يعجز بسببه على نسيانه.
يشار إلى أن مسلم كان قد طرح منذ فترة أغنية "سحابة صيف"، كلمات، محمود عادل، وألحان كريم نيازي، وتوزيع موسيقى، وميكس وماستر إسلام الأزرق، وأيضا طرح أغنية "بنلف وندور"، كلمات، وألحان مسلم، وتوزيع موسيقى، مهيب سليط، وأيضا أغنية "ماتتحبيش"، كلمات حسام سعيد وألحان عمرو الشاذلي، وتوزيع موسيقى، وميكس وماستر، محمد ياسر، وأغنية "على كل حال"، كلمات زياد ياسر، وألحان مصطفى يسري، وتوزيع موسيقى، وميكس وماستر، تيام طارق.
تقول كلمات أغنية "طال بعدك":.
طال بعدك عني ولو فاكر، دا ماكانش كلامك
دا انا عيشتها ليك، عيشت مقاسمك ف جميع احلامك
دلوقتي انا اقصى طموح ليا، تتعاد ايامك
ولا قادر انسى ولا الايام عرفت ترضيني
قولي انت ازاي ارتاح لو روحي، بعيد عن عيني
والله دا ظلم كبير ليا، لو هانوا سنيني
عمال توحشني يوم عن يوم في قلبي ولسا على بالي
و لسا ماجيتش على بالك كإني غريب ومش غالي
عرفت القسوه امتى وفين، تعالى وشوفني من غيرك
مجرد بس اشوف صورتك بتنزل دمعتي قصادها
خساره فراقنا، وخسارتك مفيش انسان يعوضها
كفايه كلام زمان بينا، لا يمكن اقوله انا لغيرك
من بعد ما كنت حياتك، فجأه، بقيت مش فيها
من بعد الفرحه حياتي، خلاص، الحزن ماليها
انا وحدي، ماحيلتيش غير ذكرى، بتونس بيها
لكن اصعب حاجه اتخيل، ييجي غيري مكاني
و تحب جديد وتعيش وقتك عادي وتنساني
قولي انك فاكر، قولي اننا راجعين من تاني
عمال توحشني يوم عن يوم في قلبي ولسا على بالي
و لسا ماجيتش على بالك كإني غريب ومش غالي
عرفت القسوه امتى وفين، تعالى وشوفني من غيرك
مجرد بس اشوف صورتك بتنزل دمعتي قصادها
خساره فراقنا، وخسارتك مفيش انسان يعوضها
كفايه كلام زمان بينا، لا يمكن اقوله انا لغيرك