توفيق السيد عن تحرش أوسكار بالحكام: لا بد من رحيله فورًا لو أثبت ذلك

أكد توفيق السيد الخبير التحكيمي، أن أوسكار رويز رئيس لجنة الحكام هو سبب الأزمات الحالية للحكام

وقال السيد في تصريحات مع سهام صالح لبرنامج الكلاسيكو: استغربت ان محمود وفا هو اللي هيحكم ماتش الاهلي وسيراميكا  لان هو اللي دار ماتش الدور الأول

واضاف: الحكم كان في بطولة ورجع مصر 48 ساعه بعدين راح كفر الشيخ بغدين رجع، هو اوسكار عبقري يعني للدرجه دي ولا ايه

وتابع: اوسكار هو السبب الرئيسي في الازمه اللي احنا فيها دي فيه حكام بتلعب 3 أو 4 ماتشات في اسبوع واحد ازاي ده

وواصل: مينفعش كاتحاد الكورة احدد مين اللي يروح ما دام انا سمحت حد يجي يسمع الفار  ومفيش لايحه بتقول كده، والمفروض ان مفيش مانع ان اي حد يروح يمثل الاهلي، واتحاد الكرة عمل مشكلة من مفيش 

واكمل: المفروض الوفد كان سمع الفار والسلام عليك وعليكم السلام، أوسكار  معندوش ثقه في الحكام المصريين اللي معاه ف اللجنة.

وعن الاتهامات الجنسية التي لاحقت رويز، قال توفيق السيد: هذا الكلام منتشر ومعروف وقرأته في الصحف، وشوفت تقارير ان أوسكار عنده قضايا في تحرش وحاجات ليها علاقه بالادآب.. والكلام ده من
جرائد ومواقع كبيرة.

وواصل: ولو هو متهم أو ملطوط في حاجه زي كده لازم يمشي فورا.