هشام نصر عن زيزو: زعلان عليه..كسب فلوس وخسر تاريخه

أكد هشام نصر نائب رئيس نادى الزمالك أنه يشعر بالحزن من أحمد سيد زيزو نجم النادى الاهلى بعد رحيله عن القلعة البيضاء.

وقال هشام نصر الذى يحل ضيفًا على برنامج النجوم في رمضان: " ماليش دعوة بزيزو، ومش شايفه أصلا ومش هقيم مستواه مع الاهلى، أنا زعلان عليه لإنه هيكسب فلوس سنتين مثلا ولكن خسر تاريخه في الزمالك لإنه كان أسطورة ".

ويضيف نائب رئيس نادى الزمالك:"زيزو كان طالب اكتر من 60 مليون جنيه للتجديد للزمالك ومفيش لاعب في مصر يستاهل المبلغ دا، ربنا يسهله هو اختار طريق بعيد عنا، وشيكابالا دلوقتى الناس كلها بتتصور معاه وشايفاه رمز رغم ان كان عنده أخطاء وهو لاعب بس هو أعظم من لمس الكورة برجله الشمال، وحب الزمالك واختار يبقى جواه لنهاية العمر مش زي زيزو، واللى عمله على فكرة مش احتراف".

وتُقدم الإعلامية الكبيرة نجلاء حلمي برنامج "النجوم في رمضان" عبر إذاعة الشباب والرياضة، ويترأس فريق تحريره الكاتب الصحفي وليد قاسم ويذاع أيام الجمعة والسبت والأحد والثلاثاء طوال شهر رمضان المبارك.