هل «المداح - أسطورة النهاية» هو الجزء الأخير؟ حمادة هلال يوضح
كشف النجم حمادة هلال أن قرار استكمال تقديم سلسلة «المداح»، أم إنهائها، لم يتم اتخاذه بعد.
وقال، في تصريحات لبرنامج «تفاعلكم»: «مقدرش أقول الكلمة دي خالص، الاسم (أسطورة النهاية) بس بيحكي عن نهاية موضوع موجود في الأسطورة، أنا مقدرش أقول كلمة كواحد من صناع العمل، لو كلنا خلاص كفريق عمل اجتمعنا وقولنا آخر جزء يبقى خلاص، بس بيبقى غصب عننا، بناخد قرار آخر جزء ونعمل حاجات مختلفة بس بنلاقي إصرار الجمهور اللي بجد، مش اللجان، ونلاقي عندنا حكاية هتليق بنتوكل على الله ونشتغل، فـ لسه معندناش فكرة خالص».
«المداح 6» بطولة: حمادة هلال، وهبة مجدي، وخالد سرحان، وفتحي عبد الوهاب، ودنيا عبد العزيز، وحمزة العيلي، وعلاء مرسي، وفاتن سعيد، وعفاف رشاد، ومن إخراج أحمد سمير فرج.