بعد إخلاء سبيله.. محمود حجازي: "مش هتنازل عن منع سفر ابنى اللى أنا محروم منه"

وجه النجم محمود حجازى، رسالة يعلق من خلالها على أزمته الأخيرة، وذلك بعد إخلاء سبيله على خلفية الاتهام بالتحرش واغتصاب سيدة داخل أحد الفنادق الكبرى بالقاهرة.

محمود حجازي 

ونشر محمود حجازى، مقطع فيديو عبر حسابه على موقع تبادل الصور والفيديوهات الشهير إنستجرام، وعلق قائلا: “احنا منعرفش الخير فين وليه بيحصل كل ده أكيد ربنا ليه حكمة، والحقيقة هتبان هتبان وساعتها هبقى ضامن حقى فى الدنيا زى ما ضامن حقى فى الآخرة”.

وأضاف: “كفاية كدب.. ده انتوا حتى بتكذبوا فى الشهادة العلمية، وبتقولوا دكاترة، فين طيب الدكتوراه دى، وهى كدبة بتحاولوا تداروا بيها عن نقصكم.. أنتم فاضيين.. ولا تعملوا غير على أذيتى.. وكل من حولى مهما عملتوا.. مش هتنازل عن منع سفر ابنى اللى أنا محروم منه ولحد دلوقتى أبويا وأمى لسه ماشفهوش خالص من ساعة ما أتولد وبقى عنده سنة ونص وبقاله فى مصر 5 شهور”.

واستكمل: “ربنا موجود وأنا أقوى من أى حاجة عشان معايا الحق، ومهما صرفتوا من حملات عشان تدمرونى مش هتعرفوا ده تعب سنين، ولو عايزين تتشهروا اصبروا لسه اللى جاى هيشهركوا اكتر، رغم أنى كنت ساكت عشان خاطر ابنى، بس دلوقتى خلاص لازم الدنيا كلها تعرف حقيقتكم زى ما ربنا عارفها، إنى فوضت أمرى لله”.