محمد سامي: "مدام عفاف شعيب بقالها سنتين بترفع عليا قضايا وبتخسرها"
أعلن المخرج محمد سامي، عن خسارة النجمة القديرة عفاف شعيب جميع القضايا، التي رفعتهم ضده خلال السنتين الماضيتين، والتي أخرهم كان اليوم، موجها رسالة لها عن سبب إصرارها على مقاضتها له دون وجه حق.
محمد سامي
وكتب محمد سامي، عبر حسابه الشخصي بموقع التواصل الاجتماعي فيسبوك: “مدام عفاف شعيب بقالها سنتين بترفع عليا قضايا وبتخسرها، والنهاردة كانت آخر قضية وبرضه خسرتها، ماعرفش ليه هى مصره تقاضينى دون وجه حق وتقول إنى سبتها وغلطت فيها فى أحد البرامج التلفزيونية وده محصلش، والمحاكم حكمت إنه محصلش وبأحكام نهائية”.
وأضاف: “المحاكم سببت أحكامها بأنه لم يحدث منى تجاهها أى تجاوز أو إساءة وكل الأحكام الصادرة من المحاكم الجنائية والمدنية كانت لصالحى فى كل الدرجات وأصلا الحلقة اللى هى إدعت إنى سبتها فيها موجودة أون لاين وأى حد يقدر يشوفها”.
وأكد المخرج، قائلا: “أنا مستحيل أتجاوز في حق ست فى سن أمى أو أكبر وكمان فنانة كبيرة وليها تاريخها، أنا أول مرة أقول تصريح بخصوص الموضوع ده، لأنى إنتظرت لما الفنانة تخسر القضايا بكل درجاتها زي ماحصل وبعدين أتكلم، ودلوقتى بناقش أنا والمستشار القانوني الأستاذ/شعبان سعيد المحامى، المفروض نعمل إيه الفترة دى بعد سنتين من التجاوز فى حقى والإساءة لشخصى، إما إننا نبدأ نتخذ إجراءات قانونية ضدها بالتعويض على التشهير وإفساد السمعة أو إننا نقول عفا الله عما سلف”.
واختتم محمد سامي قائلا: “الست والمحامى بتاعها دلوقتى فيهم اللى مكفيهم والمفروض نكبر دماغنا ومانزودش عليهم الهم ونسامحهم وناخدهم ونتعشى مع بعض بره ونعزمهم على (ريش وبيتزا )”.
