ندم مسلم بعد الانفصال فى أحدث أغنياته "قلبي اللي مابيهداش"

طرح المطرب مسلم، مساء اليوم، أغنيته الجديدة التي تحمل عنوان “قلبي اللي مابيهداش”، على اليوتيوب، وجميع المنصات الرقمية، ومحطات الراديو.

مسلم

وهذه الأغنية هي من كلمات وألحان مسلم، وتوزيع موسيقى إسلام شوقي، وهى من توزيع شركة "ديجيتال ساوند".

يقدم مسلم فى أغنية "قلبي اللي مابيهداش"، سلسلة أعماله ذات الطابع الدرامى، ويتناول فيها فكرة الحوار بينه وبين قلبه، بعد انفصاله عن حبيبه، وعذابه وندمه بسبب هذا الانفصال.

وتقول كلمات أغنية "قلبي اللي مابيهداش":.
انا قولت هقدر ع الغياب
لو فات يومين هنسى
عرفني لو قادر تعيش
من غيري انا لسا
مش كنا واحد وقتها ؟
دلوقتي انا وانت
حبيت  و انا حلفت قلبي
لا يحب ولا يهوى

و من قلبي اللي مابيهداش
لقيت عيني اللي خايفه تنام
تروح ايام، تجيب ايام
و تسأل لسا فاضل كام
و ليه بعدك مفيش بكرا
و ليه ماشي وسايب ذكرى
و قولي ازاي اعيش الجاي
و اكون متقبل الفكره

انا قولت لما يروح
هيهدى  شويه وراجعلي
و اتاري كان بيشوف
ايه اصعب حل يوجعني
امانه لو شوفتوا ف مكان
ما تسألوه عني
و امانه لو شوفتوني ببكي
خلوني اكون وحدي

و بدعي له يكون مرتاح
ياريت مايشوفش قلبه جراح
و لو جت سيرتي أو شاف صورتي
خلوه يقول دا شر وراح
من قلبي إلى مبيهداش
مبيهداش