بعد الخروج من أمم إفريقيا.. بعثة منتخب مصر فى الطريق إلى القاهرة
وصلت بعثة منتخب مصر الأول، بقيادة حسام حسن، مطار محمد الخامس الدولى بالدار البيضاء استعدادا للعودة إلى القاهرة على متن طائرة خاصة، حيث من المقرر وصول البعثة فى الثامنة مساء اليوم الأحد.
وحصل منتخب مصر على المركز الرابع فى بطولة أمم إفريقيا المقامة حاليا فى المغرب بعد الخسارة أمام نيجيريا بركلات الترجيح.
حسام حسن يشيد بلاعبى المنتخب
علق حسام حسن المدير الفني لمنتخب مصر الأول، عقب الخسارة من نيجيريا بركلات الترجيح، في مباراة تحديد المركز الثالث بأمم إفريقيا.
وقال حسام حسن في المؤتمر الصحفي عقب الخسارة من نيجيريا: احنا بنبني للي جاي، المنتخبات كلها في العالم واعظم الاندية في اوروبا بيعلبوا بـ نظام واحد، بس لا تتوقع مني شئ، توقع مني الأفضل.
وأضاف: انا مش بعمل حاجة بالصدفة، انا بتفرج على المنافس بتاعي كويس، انا مش مدرب نمطي أو تقليدي، دايمًا هتلاقي فيه تغييرات بتحصل دايمًا وبرضه حسب المنافس بتاعي.
تابع: احنا عملنا أقصى ما نتوقعة قبل البطولة، والحمدلله عملنا اللي علينا ووصلنا لأخر يوم في البطولة وكنا من الأربعة الكبار
أكمل: صلاح محسن ومروان عطية اتوقفوا بالليل بعد العشا، بعد ما اتدربنا وعملنا المحاضرة وعارفين هنلعب ازاي، معنديش مشكلة توقف لاعيبة اوقف اللي انت عايزه بس مفروض دا يكون بدري شوية
اختتم: اللي حصل دا نتاج محلي، وانا مبسوط ان المجموعة كلها من الدوري المحلي، المنتخبات في البطولة كلها فيها محترفين بس اللاعب المصري ايًا كان هو لاعب قوي، وقدرنا نظهر بالشكل دا وعملنا منتخب قوي وكنا قريبين من البطولة ويكفي ان المنتخب بتاعي فيه لعيبة كتير اول مرة تلعب بطولة أمم افريقيا.