محمد إمام: "عمري ما حطيت حد في دماغي وده اتعلمته من أبويا"
علق النجم محمد إمام، على الجدل حول تصريح الأعلى أجرًا فى الوسط الفنى، الذي أشعل السوشيال ميديا، خاصة بعد تصريحات النجم أحمد العوضي، ورد محمد إمام.
محمد إمام
وكتب محمد إمام، عبر حسابه الشخصي بموقع التواصل الاجتماعي فيسبوك: “أنا مش عارف ليه في ناس فهمت ان أنا نزلت بوست لشخص محدد، أنا عامله ليهم كلهم ونتكلم جد شويه.. أنا عمري لا حطيت حد ولا هحط حد في دماغي وده اللي اتعلمته من أبويا ربنا يخليه لينا".
وأضاف: “إني أكون ابن أكبر نجم في التاريخ ووصلت للي أنا فيه دلوقتي ده ماكنش سهل أبدًا، وبحمد ربنا عليه كل يوم.. وده كان بفضل حبكم ودعمكم ليا بعد فضل ربنا سبحانه وتعالى.. يعني أنا أصلًا فيا اللي مكفيني، وحقيقي بتمنى الخير للجميع”.
واختتم نجل الزعيم، قائلا: "المنافسه دي بتخلينا نطلع أحسن ما فينا وكل ده في صالح الجمهور العظيم اللي زيكم.. بشكر كل اللي بيحبني.. أنا بحبكم أكتر بكتير وانتوا أهم حاجه في حياتي بعد عيالي، الحمدلله".
