خالد عجاج يتحدث بتأثر عن كلبه "ديزل": ندمت على قرار الموت الرحيم

كشف الفنان خالد عجاج عن علاقته القوية بكلبه "ديزل"، الذي عاش معه لأكثر من 14 عامًا، معبرًا عن ندمه الشديد بعد اتخاذ قرار إخضاعه للموت الرحيم بسبب معاناته الصحية الشديدة.

وخلال لقائه مع الإعلامية ياسمين عز في برنامج "كلام الناس"، قال خالد عجاج: "مش شايف إن ده عيب إني أتكلم عن ديزل، الكلب الوحيد اللي اقتنيته في حياتي. عاش معايا 14 سنة، كان دايمًا جنبي، أسافر وأرجع ألاقيه مستنيني. في مواقف كتير بيني وبينه، حسيت فيها إنه مش مجرد حيوان، هو عشرة".

14 سنة من الوفاء.. خالد عجاج يتحدث عن رحيل كلبه ديزل

وتابع بتأثر: "اتأثرت جدًا لما اضطريت آخد قرار الموت الرحيم. كان كبير في السن، وجاله سرطان، وكان تقريبًا فقد بصره، وبيتألم جدًا جدًا. هو ارتاح، بس أنا ندمان.. كانت لحظة صعبة، ومعملتهاش تاني".

وفي سياق حديثه عن الرفق بالحيوانات، أوضح عجاج أنه يواصل رعاية عدد من القطط الضالة في محيط سكنه، قائلًا: "براعي القطط اللي في الكومباوند، بييجولي، بحاول أعقمهم عشان ميتكاثروش ويعملوا مشاكل. دول أمم زينا، ربنا خلقهم. حتى القطة الأضعف اللي كل همّها الأكل والشرب، متأذيهاش ولا تقتلها، في حلول تانية".

وأضاف: "أنا إنسان بتأثر جدًا، ربنا خلقني كده. كنت برعى حوالي 20 أو 25 قط وقطة، بجيب لهم أكل، وبقى ده طبع فيا، وأنا بتمشى أحطلهم أكل، واللي أقدر أعقّمه بعمل كده عشان الناس في الكومباوند متضايقوش".