سعد الصغير لـ بوسي: "بعتذرلك قدام الناس كلها وانتي أحسن صوت شعبي"

وجّه النجم سعد الصغير، رسالة مؤثرة للنجمة بوسي، وذلك بعد خروجها من أزمتها وإخلاء سبيلها اليوم بعد تقديمها معارضات على أحكام قضائية صدرت ضدها، عقب القبض عليها أثناء وجودها بمطار القاهرة قبل سفرها إلى دبي.

بوسي

وأكد سعد الصغير دعمه الكامل لبوسي، واعتذاره عن أي إساءة أو سوء تفاهم حدث بينهما في السابق، وذلك في حلقة برنامجه "سعد مولعها نار"، التي تذاع يوم الخميس، وأضاف سعد: “أنا بعتذرلك قدام الناس كلها، لو كنت غلطت أو زعلتك، اعتبريها غلطة، وأنا اللي بقولك ده قدام الجميع، أنا ما قصدتش كنت أشهر بوالدك رحمه الله أو أعمل تريند، أنا فعلًا كنت بحاول أعمل خير”.

واستكمل: “أنا بشهد قدام الكل إنك إنسانة طيبة ومحترمة، بوسي مش مجرد زميلة، دي أختي، واتربينا سوا، وبقولها دلوقتي من قلبي، إنتِ صوت مصر، وأحسن صوت شعبي، وده مش كلام جديد، أنا كنت بقول كده دايمًا حتى قبل أي خلاف، وأنا عمرى ما افرح فيكى زى مابيتقال من البعض، والحمد لله ربنا عدى أزمتك على خير لأنك إنسانة طيبة تستاهلي كل حاجة حلوة، وأنا كلمت ناس عشان أكون جنبك، ربنا يخليلك ابنك، ويرزقك راحة البال".

وأوضح سعد الصغير أنه سبب معرفة بوسي على الملحن محمد عبد المنعم وتقديم أغنية "آه يا دنيا"، التي تركت بصمة كبيرة في مشوارها ومن أهم اغانيها، وكنت سبب في وجودك ونجاح الاغنية لأن لولا الأغنية مكنش هيبقى في بوسي، وربنا جعلني سبب، بالإضافة إلى أننى كنت أحل مشاكلك دايما  .

يُشار إلى أن العلاقة بين سعد الصغير وبوسي شهدت توترًا في الفترة الماضية، إلا أن رسالته الأخيرة جاءت لتفتح صفحة جديدة، وتعكس حرصه على إنهاء الخلافات، ودعمه لها في أزمتها.