بعد شائعات الطلاق| كريم محمود عبد العزيز لزوجته: بحبك.. ومشروعك هيكسر الدنيا
فاجأ النجم كريم محمود عبد العزيز زوجته آن الرفاعي، بمكالمة هاتفية خلال حلولها ضيفة على برنامج «هي وبس»، للإعلامية رضوى الشربيني.
وجاء هذا اللقاء احتفالًا بإصدار «آن» لمجموعة أزياء جديدة نسائية ورجالية.
قال «كريم»: «أول حاجة جت على بالي لما قالت لي على خط الأزياء، إني أكيد هشجعها، لأني بقيت بحب الست لما بتشتغل، يمكن زمان مكنتش مدرك الحكاية دي، لكن مع الوقت بقيت حابب جدًا فكرة إن الست تشتغل، وليها شغلها الخاص وتطلع أفكارها وتبدع في الشغل بتاعها، لأن أنا بحترم اللي بتشتغل عامة».
وتابع: «بناخد رأي بعض في كل حاجة سواء شعلي أو شغلها، ودا طبيعة الحياة اللي المفروض نكون عايشين فيها، لأن مافيش فينا حد هيكدب على التاني، لأن عايزين كل واحد فينا ينجح ويكسر الدنيا».
وأنهى «كريم» حديثه، بقوله: «بحبك وإن شاء الله المشروع بتاعها يكسر الدنيا أكتر من كدة، ونوصل للعالمية».
شهدت الفترة الماضية، انتشار الكثير من الأقاويل، حول انفصال كريم محمود عبد العزيز عن زوجته، بسبب ارتباطه بالفنانة دينا الشربيني.