بعد رحيل لطفي لبيب.. طه الدسوقي: شكرا على كل خير عملته معايا

وجه الفنان طه الدسوقي، رسالة عن النجم القدير لطفي لبيب، الذي رحل عن عالمنا يوم الأربعاء الماضي، مؤكدا أنه من أوائل الأشخاص الذين أمنوا به وساعدوه دون مقابل.

طه الدسوقي 

وكتب طه الدسوقي، عبر حسابه الشخصي بموقع التواصل الاجتماعي فيسبوك: “من أوائل الناس اللي امنوا بيا وساعدني دون أي أمارة ولا مقابل.. ومش أنا بس يشهد ربنا على مدار 4 سنين شغل مسرح مكانش فيه مشكلة بين أي اتنين في المسرحية غير وبتتحل في أوضة لطفي لبيب”.

وأضاف: “مفيش ممثل جديد بييجي العرض غير وعم لطفي، كان يقولنا روحوا اندهوله ييجي يقعد معانا ومكانش بيعمل كده حتى عشان يتقال عليه بيعمل كده، كان كبير بفعله وبرضاه ومعاملته كان كبير حتى بنصايحه، كان يقولي إوعى في يوم قرنيتك تتقلب ومتبقاش شايف غير نفسك”.

واختتم طه الدسوقي، رسالته قائلا: “شكرا يا عم لطفي على كل خير عملته معايا ومع غيري وربنا يرحمك ويحسن إليك زي ما ربنا ساعد ناس كتير من خلالك وعلى إيديك، وداعا للفنان والإنسان والمقاتل لطفي لبيب”.