أحمد ماهر: محدش بيقرب من طبقي.. حتى عادل إمام معرفش يشاركني كريز!
كشف الفنان الكبير أحمد ماهر عن جانب طريف وغريب في شخصيته، يتمثل في عدم رغبته بمشاركة أحد في طعامه، حتى ولو كان ذلك الشخص هو الزعيم عادل إمام.
وخلال استضافته في برنامج "كلام الناس" مع الإعلامية ياسمين عز على قناة MBC مصر، قال ماهر: "من زمان جدًا وأنا مش بحب أشارك حد في أكلي، أمي الله يرحمها كانت دايمًا تحكيلي إن وأنا صغير كنت كده برضو، ودي طبيعتي".
وأوضح أنه لا يمانع في دعوة الآخرين، لكنه لا يحب أن يشاركه أحد في طبقه، وقال: "أنا ممكن أعزم الناس على أكل، بس من طبقي لأ.. طبقي كأنه حاجة ربنا باعتها لي مخصوص، الأكل بالنسبة لي حالة من الخلوة!".
وروى أحمد ماهر موقفًا طريفًا جمعه بالنجم عادل إمام أثناء تصوير أحد الأعمال الفنية في موقع صحراوي، قائلًا: "أستاذ عادل إمام عرف من فريق العمل إني واقف في وسط الجبل وباكل لوحدي، وطلب إن عربيته تتأخر عشان ييجي يشوفني".
وأضاف: "لقيته جاي وبيقولي: يا حمام! بتاكل كريز في الجو ده؟ ده مايبوظش؟ قولتله لأ، جايبه في كولمان فيه تلج. قال لي طب اديني واحدة؟ قولتله لا والله، ده أكلي ورسول الله.. ولا حباية".