تامر حسني لـ عمرو دياب: "ألبومي رقم 1 مش 4.. وأنت أكبر من كده"

أعرب النجم تامر حسني عن استيائه الكبير من النجم عمرو دياب، بعد أن أشار الهضبة إلى أن ألبومه في المرتبة الأولى وألبوم تامر يحتل المرتبة الرابعة.

تامر حسني 

ونشر تامر حسني تصدر أغاني ألبومه المرتبة الأولى في التريند، عكس ما نشر عمرو دياب، وذلك عبر خاصية ستوري حسابه الشخصي بموقع تبادل الصور والفيديوهات الشهير إنستجرام.

وعلق قائلا: “مش غريبة شوية لما الفنان الكبير اللي بحبه وبقدره، ينزل صورتي عنده في الاستوري بكذا طريقة أن أنا رقم ٤!!؟ وهو عارف إن ألبومي مش 4، بدليل ترتيب تريند اليوتيوب اللي ألبومي كله احتله، وكنت رقم 1 من أول يوم في الأسبوع الأول من نزوله".

وأضاف تامر حسني: “برضو ناس جمعتلي النتائج دي بس منزلتهاش عموما، هو ترتيب وبيتغير كل شوية، لينا ولزملائنا المطربين لما بينجحوا … الفكرة إن ”ألبوم لينا معاد" أنا تعبت فيه، والناس بتتكلم عنه بكل خير وده الأهم، فمش محتاج أعمل كده”.

واختتم رسالته قائلا: “أنا لما كنت تقريبا 10 أيام رقم 1 في أسبوع نزول الألبوم “لينا معاد”، زي ما انتوا شايفين أهوه في الفيديو اللي اضطريت أنزله أغانيا في التريند أعلى وهو كان تحت… احتراما ليه ولمحبينه منزلتش صورته وهي تحت، ولا نزلت أي خبر يقول إن ألبومي متصدر عليه، كنت بحتفل مع جمهوري دون المساس بصورة أو اسم أي فنان احتراما لمجهوده، بس مش عارف ليه هو يعمل كده، لأنه أكبر من كده ومش محتاج يعمل كده!! وعموما، ألف مبروك”.