شام الذهبي: آدم تامر حسني عريس بنتي في المستقبل.. وربنا يشفيه ويحفظه

تحدثت شام الذهبي، ابنة الفنانة أصالة نصري، عن علاقة خاصة تجمعها بنجل الفنان تامر حسني وزوجته السابقة بسمة بوسيل، حيث وصفت الطفل "آدم" بأنه سيكون "عريس المستقبل" لابنتها "جيجي"، داعية له بالشفاء العاجل.

وفي لقاء مع برنامج ET بالعربي، قالت شام: "ربنا يحفظ (أدومي)، إن شاء الله يبقى عريس المستقبل لبنتي (جيجي) أنا وبسمة متفقين، عايزة بسمة تكون حماة بنتي وتامر يبقى حما.. إيه الحلاوة دي".

وأضافت شام بتأثر: "آدم دا حبيبي، بحبه جدًا من وهو صغير.. ربنا يشفيه ويشفي كل أولادنا.. صعب جدًا على أي حد يشوف ابنه أو بنته تعبانة، ربنا ما يكتبها على حد ويشفيه ويشفي كل الأطفال.. الحمد لله حالته اتحسنت لكنه لسه في المستشفى".

من جانبه، طمأن الفنان تامر حسني جمهوره على حالة ابنه الصحية بعد العملية الجراحية الثانية، حيث كتب عبر حساباته على مواقع التواصل الاجتماعي: "لكل الغاليين اللي اهتموا بتعب ابني، الحمد لله الوضع مستقر بعد العملية التانية وخرج من العناية المركزة بفضل الله ثم بدعواتكم اللي لو عشت أشكركم عمري كله مش هوفي حقكم.. ربنا يتمم الشفاء على خير ويحفظكم ويحفظ ولادكم يا رب".