حودة بندق يطرح فيديو كليب "البعد اذاني"

طرح الفنان حودة بندق، أغنيته الجديدة التي تحمل عنوان "البعد اذاني"، على طريقة الفيديو كليب، بالتعاون مع المنتج سلطان الشن، عبر موقع الفيديوهات الشهير “يوتيوب”.

حودة بندق

وقام حودة بندق، بتصوير الفيديو كليب الخاص بأغنية “اذاني البعد”، في محافظة الإسكندرية، وتسرد قصة الفراق، وهي من كلمات عمرو المصري، وألحان عمرو الشاذلي، توزيع وميكس عمرو الخضري وإنتاج سلطان الشن.

وتقول كلمات أغنية حودة بندق:.

أيامنا بتيجي قصاد عيني 
مش عارف أشوف غيرك تاني 
لو قلبك قاصد يأذيني 
فأنا أصلا البعد أذاني 
ايامي ف بعدك خاصمتني 
ارجع ده البعد مموتني
دانا بستناك ومافيش مواعيد 
و اليوم مفيهوش ولا اى جديد 

في ما بينا سنين ما ضيعهاش 
أيام حلوين ومبنسهاش 
عايش ع الذكري بعاني 
ارجعلي بس ثواني 
دي الأيام مبتتعداش

الحزن أتمكن من قلبي 
تهت ومش لاقي مكان أروحه
وهعيش ازاي لو مش جنبي  
في حد يعيش من غير روحه ؟ 
احساس قتال وبيقتلني 
مش شايف نفسي وبهملني 
وأنا بستناك ومافيش مواعيد 
واليوم مفيهوش ولا أي جديد

يشار إلى أن آخر أعمال الفنان حودة بندق، كانت أغنية “أشهر من الهرم”، حيث كانت الأغنية من كلمات: أحمد يوسف، وإنتاج HB Production، ألحان حودة، وتم طرحها على موقع الفيديوهات الشهير يوتيوب، وحققت الأغنية نسبة مشاهدة مرتفعة.