هند عبد الحليم تخوض تجربة الغناء بـ "صحاب الليل"
تخوض الفنانة هند عبد الحليم، تجربة الغناء لأول مرة من خلال أغنية "صحاب الليل"، التي تقدمها مع المطرب الشاب عبد الرحمن رشدى، وتم طرحها على طريقة الفيديو كليب على موقع الفيديوهات الشهير يوتيوب.
هند عبد الحليم
أغنية “صحاب الليل”، لهند عبد الحليم وعبد الرحمن رشدي، هى كلمات مصطفى ناصر، وألحان عبد الرحمن رشدى، وتوزيع موسيقى ماهر الملاخ، ومن إخراج بيشوى يسى، ومن توزيع شركة "ديجيتال ساوند".
تدور فكرة الأغنية فى إطار درامى بسيط، وتحكى عن عشاق السهر فى الليل، والتأمل فى سكونه وهمساته، والشكوى من الوحدة والتفكير فى الماضى، وتقول كلمات أغنية "صحاب الليل":.
واهو كل يوم.. قلبي وحيد مش جايلو نوم
حبينا اكتر من اللزوم
واتسبنا فجأة في ليل شتاء.. والحزن أتقل من الهدوم
مفهاش جديد.. أقرب ما ليك عنك بعيد
مكتوب يا قلبي الخوف يزيد
بتعيش عشانهم وفى أخر هيعيشوا وإنت تعيش وحيد
كان فيه ياما ناس هنا حوالينا.. بقوا بس دموع جوه عنينا
وبقينا صحاب الليل
والليل مالوش أصحاب
والقلب هايفضل وحداني.. خوف يخلص يبدأ خوف تاني
عايشين بالقسمه
متاخدين في الدنيا غياب
كان فيه ياما ناس هنا حوالينا.. بقوا بس دموع جوه عنينا
وبقينا صحاب الليل
والليل مالوش أصحاب
والقلب هايفضل وحداني.. خوف يخلص يبدأ خوف تاني
عايشين بالقسمه
متاخدين في الدنيا غياب
وانا ليا مين.. غير ليل طويل بيفوت حزين
سهرانه وسط السهرانين
واهو كل يوم بنقول لروحنا بكره نبقى كويسين
وادي بكره فات
ومجاش وراه غير السكات.. تقلت علينا الذكريات
عايشين نفكر في القديم
واللي بنصبح فيه نبات
كان فيه ياما ناس هنا حوالينا.. بقوا بس دموع جوه عنينا
وبقينا صحاب الليل
والليل مالوش أصحاب
والقلب هايفضل وحداني.. خوف يخلص يبدأ خوف تاني
عايشين بالقسمه
متاخدين في الدنيا غياب