الورقي
مرتضى منصور «ساحب القائمة وراءه».. كواليس الانتخابات المقبلة بـ«الزمالك»
كشف الناقد الرياضي أحمد الخضري كواليس انتخابات الزمالك المقرر إقامتها يوم 19 فبراير المقبل.
قال أحمد الخضري في تصريحات إذاعية مع أحمد شوبير: "24 واحد لسة داخلين النادي من سنتين ومرشحين نفسهم، الأمر غريب أنا عملت حملة اسمها اثبتلي أنك زملكاوي من كتر الناس اللي مرشحة نفسها".
أضاف: "أحمد سليمان هشام نصر هاني شكري .. مرتضى منصور مصطفى هدهود خالد لطيف دي الأسماء اللي مؤكدة من القائمتين حتى الآن وقايمة أحمد سليمان أقوى وفيها أسماء قوية وقايمة مرتضى منصور هو اللي ساحب القايمة وراه"
تابع: "الناس الأول كانت بتخاف تتكلم قبل الانتخابات لكن دلوقتي الكل بيتكلم وبيعلن، ومرتضى منصور حتى الآن لسة متكلمش أو أعلن"
واصل: "في 20 ألف عضوية مش هينتخبوا بعد فرز اللي ليهم حق الانتخاب ودول هيكونوا مؤثرين جدا طبعا، الانتخابات في الزمالك هذه المرة غير متوقعة ومختلفة".
ختم حديثه قائلا: "أحمد سليمان جاب 19 ألف صوت الانتخابات اللي فاتت هاني العتال كان معاه وده يقدر يشيل قايمة لوحده وهذه المرة قايمته قوية أحمد سليمان ولكن هو اللي شايل المرة دي لوحده، الأسماء اللي مرشحة نفسها تحت السن تثبت أن المستقبل للزمالك جميل، وتوقعي مفيش قايمة كاملة هتنجح نظرا لقوة الأسماء"
