رئيس التحرير
خالد مهران
count
count

تفاصيل اعترافات «تُربي حلوان» المتهم بالتعدى جنسيًا على جثة «موظفة» وحرقها (نصوص تحقيقات)

اعترافات تربى حلوان
اعترافات تربى حلوان

تنشر بوابة «النبأ» الجزء الأول من نص التحقيقات مع تربى حلوان المتهم بالتعدى جنسياً على جثة سيدة متوفية والأسئلة التي وجهتها النيابة العامة له وإجاباته عليها، والذى كشف فيها تفاصيل ارتكابه للواقعة وكيفية ارتكابها، وأسباب ارتكابه الواقعة، وسر اختياره جثة موظفة مستشفى حلوان العام، وطبيعة علاقته بالمتوفاة، وكيفية تجنبه رصد كاميرات المراقبة المنتشرة بالمقابر، ولماذا قرر حرق الجثة، والأدوات المستخدمة فى ارتكاب الجريمة.

وإليكم نص التحقيقات:
نحن مصطفى تاج الدين وكيل النيابة ومحمود على سكرتير التحقيق، حيث عهد إلينا من قبل السيد الأستاذ رئيس النيابة الكلية لاستجواب المتهم مصطفي محمود حنفي مصطفي، هذا وحيث تبين لنا تواجد المتهم مصطفي محمود حنفي مصطفي خارج غرفة التحقيق فدعوناه بداخلها وبمناسبة تواجده أمامنا لقيناه رجلا في بداية العقد الخامس من العمر قمحي البشرة متوسط الطول والبنية ذو شعر رأس أشيب اللون ولديه شارب ولحية، ويرتدي الملابس الأفرنجية عبارة عن قميص رمادي اللون وبنطال جينز كحلي اللون وينتعل زاحف جلدي بني اللون، وبمناظرة عموم جسده عدا ما يستر عورته، فلم نتبين به ثمة إصابات ظاهرة وبمواجهته بالتهمة المنسوبة إليه، عقب أن احطناه علما بها وبعقوبتها وبأن النيابة العامة هي التي تباشر معه إجراءات التحقيق، فأقر بارتكابه الواقعة، وبسؤاله عما إذا كان يحضر معه ثمة مدافعاً يحضر معه اجراءات التحقيق فأجاب نفيآ.
 
ملحوظة حيث قمنا بإرسال مندوبنا إلي نقابة المحامين الكائنة بمقر محكمة حلوان الجزئية وذلك لإحضار مدافع يحضر إجراءات التحقيق رفقة المتهم إلا أنه عاد إلينا وأفاد بأنه وجدها خالية ولا يوجد بها ثمة محامين.

وبمناسبة تواجد المتهم مصطفى محمود حنفى مصطفى أمامنا شرعنا في استجوابه، فأجاب اسمي مصطفى محمود حنفي مصطفى، مقيم عزبة الباجور شارع حسين عمار حلوان ولا أحمل بطاقة تحقيق شخصية 

س: ما تفصيلات اعترافك؟
ج: اللي حصل إن أنا بشتغل تربي في مقابر عزبة الباجور اللي في حلوان وفي يوم الإتنين 29/3/2021، نزلت على مكان عملى فى الحوش وأنا في مشاكل بيني وبين طارق مصطفى اللي ماسك المقابر اللي هناك في عزبة الباجور، وعشان المشاكل دي هو من قبل الموقف ده بتسع أيام كان كسر التليفون بتاعي عشان عايزني اشتغل هناك في الترب وفي اليوم دة الإثنين 29/3/2021 كان عندي دفنة الصبح قبل مخلص دفنتي لقيت عم محمد مختار قاعد ورا جامع عزبة الباجور وقالي أنا عندي دفنة انهاردة في المنطقة الي هو بيسقي فيها، وقالي إنها دفنة حريمي وبعدين رحت أنا على الدفنة بتاعتي وخلصتها وبعدين نزلت عرب راشد عند الست أم مريم الي هي اسمها فاطمة حلمى، عشان فى نفس البيت، فيه واحد أسمه أشرف قلت أصلح تليفونى عنده، وبالمرة اتغدى مع واحدة أسمها ثريا، وأم مريم اللى هى فاطمة، وعم زغلول زوجها.

 وبعد ما خلصنا الغدا أشرف إداني التليفون وقالي أنا خلاص صلحتوا، وبعدها أخدت بعضي ومشيت من عندها، وقررت إني أروح على المدفن اللي كان في الدفن الحريمي الصبح، وأنا كنت عارف من الصبح إن الكاميرات مش هتجبني لأني رحت على المكتب بتاع طارق حماد، وأتاكدت إن الكاميرات مش جايبة المدفن ده، فرحت علي المدفن ورحت مكان في الترب كنت مخبي فية بنزين وأجنة وشاكوش، وقررت إني هحرق الجثة، فدخلت المدفن كسرت القفل بعد لما إتاكدت أن مفيش حد شايفني ودخلت المدفن وولعت في الجثمان ودة كل الي حصل. 

س: متي وأين حدث ذلك؟
ج: الإثنين 29/3/2021 ما بين صلاة المغرب والعشاء كانت حوالي الساعة 6:30 او 7:00 مساء في مدافن عزبة الباجور

س:من كان برفقتك انذاك؟ 
 ج: كنت لوحدي 

س: ما سبب ومناسبة تواجدك بالمكان والزمان سالفي الذكر؟

ج: أنا كنت رايح عشان مقرر اعمل كده.

س: ما هي طبيعة علاقتك بالمتوفاة الي رحمة مولاها مني أحمد جاد؟

ج: أنا معرفهاش قبل كده.

س: ماهي طبيعة علاقتك بالمدعو طارق مصطفي عاطف؟

ج: طارق ده مشرف علي جبانات عزبة الباجور وفي نفس الوقت مقاول شغال فى الترب.

س: وما هي طبيعة الخلافات فيما بينك وبين المدعو طارق مصطفي عاطف؟ 

ج: الخلافات إن أنا بشتغل مع كذا حد تربي في نفس المقابر وهو مش عايزني اشتغل عشان أنا كمان بتفق مع الناس علي شغل المباني بتاعت الترب واتخانقنا اكتر من مرة.

س: ما هي كيفية ارتكابك للواقعة تحديدا؟
ج: أنا لما واحد اسمه عم محمد مختار اللي شغال تربي قالي الصبح أنه عنده حالة دفنة حريمي، فأنا بعد ما خلصت غدا عند أم مريم وثريا قررت إني اخد بعضي واطلع علي المدفن هناك، ولما وصلت هناك جبت العدة بتاعتى الأجنة والشاكوش وزجاجة البنزين، ورحت على التربة اللى كان فيها الدفنة، وأنا كنت من الصبح متأكد ان مفيش كاميرا جايبة المنطقة دى، وقمت كسرت القفل بالشاكوش والأجنة، وأتأكدت أن مفيش حد شايفني ورحت شايل البلاطة ورحت داخل التربة، وولعت فيها عشان انتقم من طارق مصطفي.
 
س: ما قولك فيما جاء بتقرير الإدارة العامة لتحقيق الأدلة الجنائية والثابت انه وجد آثار لمادة الجازولين سريعة الاشتعال؟

ج: أيوة أنا اللي جبت بنزين ده وولعت في الجثة. 

س: وما هي كيفية استحصالك علي زجاجة الجازولين "وقود السيارات" والمستخدم في ارتكاب الواقعة؟

ج:انا الي بجبها من بنزينة في حلوان البلد بس انا مش بروح بنفسي، انا بخلي أي عيل صغير بيسوق توكتوك يجبها معاه وهو بيمون التوكتوك.
 

س: وما هو سبب احتفاظك بزجاجة من مادة الجازولين "وقود السيارات"؟
ج: انا بشيل زجاجة من البنزين دايما بستخدمها في اني اولع في المفصلات بتاعت الأبواب عشان اشيل الصدا اللي بيتكون عليها. 

س:وما هو سبب قيامك بارتكاب الواقعة تحديدا؟
ج: أنا قلت أولع في الجثة عشان أنتقم من طارق حماد ولما يعرفوا ان الجثة ولعت ممكن يمشوه من الترب.

س: وهل قمت بكسر القفل الخاص بالباب الحديدي الخاص بالمدفن محل ارتكاب الواقعة؟ 
ج: ايوه انا كسرت القفل بالأجنة والشاكوش.

س: وهل قمت بالتأكد من عدم وجود ثمة كاميرات مراقبة بمحل ارتكاب الواقعة 
ج: ايوة 

س: وكيف أستبان لك ذلك؟
ج: عشان انا شغال هناك وعارف أن مفيش كاميرات وكمان عشان انا دخلت مكتب طارق الي ماسك الجبانات، وأتأكدت أن مفيش كاميرات جايبة المكان.
 
ملحوظة:  حيث قمنا بفض الحرز المضبوط والذي تبين لنا أنه عبارة عن شاكوش ذات مقبض خشبي وكذا أجنة حديدية، ملفوفين بلاصق شفاف اللون والمضبوطة حوزة المتهم مصطفي ممحمود حنفي وبمواجهة المتهم الماثل امامنا بالمضبوطات أقر بأنها الأدوات التي أستخدمها في ارتكاب الواقعة محل التحقيق. (تمت الملحوظة) 

س: ملك من تلك المضبوطات المعروضى عليك الآن؟ 
ج ملكي 

س: وهل تلك الادوات التي قمت بأستخدامها في كسر القفل الخاص بالجبانة؟
ج: هى ملكى

س: ما هي الأفعال التي قمت باقترافها حال دخولك للمدفن محل ارتكاب الواقعة؟
ج: الأول اتاكدت أني بعد لما كسرت القفل مافيش حد شافني ونزلت على التربة.

س: هل أنت اللحاد القائم على دفن جثمان المتوفاة إلى رحمة مولاها؟
ج: لا أنا مكنتش موجود في الدفنة.
 
س: كيف نمى إلى علمك وجود الجثمان بذات المدفن؟
ج: علشان لما عم محمد مختار قالي أن عنده دفنة حريمي لما دخلت المكتب عند طارق اللي ماسك الجبانات شفت مكان المدفن في الكاميرات، وقررت ارتكاب الواقعة باليل لما الناس تمشي.
 
س: وما هي الحالة التي وجدت عليها جثمان المتوفاة إلى رحمة مولاها حال دلوفك داخل المدفن؟ 
ج: هي الجثة كانت في وضعها الطبيعي ومكفنة بالكفن الخاص بيها.

س: ما قولك فيما جاء بتقرير الأدلة الجنائية رقم 2021/7126 اطلعناه والثابت به بالصور الفيتوغرافية المرفقة من أن الجثمان وجدت يداه ملقاة للخلف وللأعلى؟
ج: أيوة علشان أنا حركتها كده.
 
س: وما قولك فيما مُثبت بالتقرير أنف البيان تم تجريد الجثمان من الكفن الخاص به؟
ج: أيوة أنا اللي شيلت الكفن من على الجثة.
 
س: وما هو سبب قيامك بتجريد الجثمان من الكفن؟ 
ج عشان أنا لما عرفت أن الجثمان بتاع واحدة ست الصبح قررت إني لما هدخل هعتدي عليها جنسيا وأجرب ودي أول مرة.
 
س: وهل قمت بالاعتداء على جثمان المتوفاة إلى رحمة مولاها جنسيا؟
ج: أيوة أنا عملت كدة.

س: ما كيفية قيامك بالاعتداء على جثمان المتوفاة إلى رحمة مولاها تحديدا؟
ج: أنا لما دخلت التربة في الأول شيلت الكفن من عليها على جنب التربة جوة التربة وبقت عريانة خالص ومنها للتراب رحت أنا رفعت رجلها ناحية بطنها ورفعت إيدها وراها ونزلت بنطلوني (وقام بوصف تعديها عليها تفصيليا) وبعدها سبتها على وضعها وخرجت بره التربة ولميت شوية جريد نخل ورميتو من برة على الجثة وقمت خارم زجاجة البنزين ورشيت البنزين جوة المدفن على الجثة وقمت عامل خط في الأرض عشان البنزين ميهبش فيا وقمت مولع فيها واخدت الكفن ورميته بره التربة ومشيت.

س: وما هو سبب قيامك بإدخال جريد النخل بداخل المدفن؟ 
ج أنا دخلت جريد النخل جوه عشان النار تمسك فيه.
 
س: وما هو سبب قيامك بإضرام النيران بالجثمان الخاص بالمتوفاة إلى رحمة مولاها عقب قيامك بالإعتداء على الجثمان؟ 
ج: أنا قلت ممكن حد يعرف أني عملت اللي عملته فقلت أولع فيها عشان محدش يعرف.

س: وهل قمت بتغيير موضع الجثمان؟
ج: أيوة أنا حركت إيدها ورجليها وخلتهم ياخدوا وضع جنسي كامل عشان أتمكن منها.
 
س: وهل قمت بإضرام النيران بالجثمان عقب ذلك لإخفاء أثار جريمتك؟
ج: ايوة.

س: وما تعليلك لما قرره الضابط الكيميائي أسامة حمدي محمود  بتحقيقات النيابة العامة بتاريخ 8/4/2021 من أن آثار الحريق تركزت بالمنطقة من أسفل الصدر وحتى محيط الركبتين بجثمان المتوفاة إلى رحمة مولاها؟

ج: علشان أنا لما فتحت رجليها عملت اللي عملته ولما خرجت برة كان معظم البنزين جه على رجليها والمناطق الحساسة عندها.

س: وهل قمت بارتكاب مثل تلك الواقعة سلفا حيث إنها تعد من الجرائم غير المتكررة؟ 
ج: لا أنا معملتش كدة قبل كدة.
 
س: وهل تقوم بتعاطي المواد المخدرة؟ 
ج ايوة أنا بشرب حشيش.
 
س: وهل كنت مدركا لما اقترفته من جرم حال قيام ارتكاب الواقعة؟ 
ج: أيوة أنا قلت أجرب ودي أول مرة وقلت أحرقها وكدة كدة محدش هيعرف أني عملت حاجة وبعدين هيأذوا طارق حماد علشان التربة دي في المدافن اللي هو ماسكها وأنا كنت عايز انتقم منو.

س: ما الذي بدر منك عقب ارتكاب الواقعة؟
ج: خرجت بعد كدة من المدفن ورميت البنزين جوه وجريد النخل وولعت فيه ومشيت ورحت على البيت ولفيت سجارة حشيش وشربتها.

س: ما قولك فيما جاء بمحضر التحريات المؤرخ في 17/4/2021 والمسطر بمعرفة الرائد محمد السيسي تلوناه عليه تفصيلا؟
ج: أيوة الكلام دا حصل فعلا.

س: ما قولك فيما جاء بمحضر الضبط المؤرخ في 18/4/2021 والمسطر بمعرفة العميد محمود حجازي، مفتش مباحث فرقة حلوان تلوناه عليه تفصيلا؟
ج: هو الكلام دا حصل فعلا وأنا اللي ارتكبت الواقعة.

س: ما قولك فيما جاء بمحضر الضبط أنف البيان من أنه مثبت أنك تولدت لديك حالة من الانتقام وصرحت بها أمام المدعو حمودة حمدي مشرف؟ 
ج: أيوة أنا قولت كدة فعلا قدام حمودة حمدي.

س: وما هي طبيعة علاقتك بالمدعو حمودة حمدي؟ 
ج: ده جاري في نفس البيت اللي أنا ساكن فيه.
 
س: ما هي طبيعة علاقتك بكلا من ثريا أبو هشيمة عبد الوهاب وفاطمة حلمي عبد الحميد؟ 
ج: أنا أعرفهم علشان بيقعدوا قدام مسجد عزبة الباجور بيشحتوا هناك وأنا اتعرفت عليهم.

س: وما هي طبيعة علاقتك بالمدعو أشرف جابر عبد المجيد؟ 
ج: هو ساكن في نفس البيت اللي ساكنة فية أم مريم اللي اسمها فاطمة وبيصلح تليفونات وصلحت التليفون عنده.

س: وهل تقابلت مع أي من سالفي الذكر بتاريخ ارتكاب الواقعة؟ 
ج: أيوة أنا كنت روحت علشان اتغدى بعد المغرب أنا سبتهم علشان أروح على الترب بس مش فاكر الساعة كام بس كان بعد صلاة العشاء.

س: وهل أنت على نية مسبقة لارتكاب الواقعة أم أنها جاءت بمحض الصدفة حال كونك لست اللحاد الذي قام بالدفن؟
ج: أنا كنت عايز أجرب أني اعتدى على الجثة يمكن اتبسط ولقتها حلوة صغيرة وكمان حرقتها عشان أخبي أي أثر ليا من اللي عملته عشان محدش يعرف وكنت عملت خط في الأرض لما طلعت ورميت عليه بنزين عشان النار توصل للجثة.
 
س: ما قولك فيما  جاء بمحضر التحريات المؤرخ في 17/4/202 والمسطر بمعرفة الرائد محمد السيسي من قيامك بارتكاب الواقعة وذلك للانتقام من المدعو طارق مسئول الجبانات؟ 

ج: لا أنا ولعت في الجثة في الحقيقة عشان أخبي أني اعتديت عليها جنسيا وكمان أسبب أذى له علشان الضرر اللي هو سببهولي.

س: أنت متهم بوضع النيران عمدا في مكان ليس مسكونا أو معد للسكن وهو المدفن وذلك عن طريق الكسر من الخارج وقمت بسكب مادة معجلة بالاشتعال جازولين وأشعلت النيران فأحدث الحريق المبين آثاره بالتحقيقات؟

س: أنت متهم بإتلاف منقولات وصفا بالأوراق قفل والمملوك لعائلة المتوفاة إلى رحمة مولاها منى حسن وذلك بأن قمت باستخدام شاكوش وأجنة وقمت بكسر القفل الموضوع على الجبانة السالفة على النحو المبين بالأوراق؟
ج: أيوة الكلام ده حصل فعلا.

س: أنت متهم بانتهاك حرمة القبور بأن قمت بالدلوف إلى الجبانة الخاصة بعائلة المتوفاة إلى رحمة مولاها منى أحمد جاد حسن وقمت بانتهاك حرمة جثمان المتوفاة ثم قمت بإضرام النيران على النحو المبين بالأوراق؟

ج: أيوة الكلام دا حصل فعلا.
 
س: مطلوب منك الانتقال رفقتنا لمحل ارتكاب الجريمة وذلك لإجراء المعاينة التصويرية لإثبات ما قمت بارتكابه من أفعال؟  
ج: أنا مستعد.

س: أنت متهم بعدم حمل بطاقة تحقيق شخصية حال كونك أحد رعايا جمهورية مصر العربية وقد تجاوزت السن القانونية لذلك؟
ج: البطاقة بتاعتي فالقسم.
 
س: هل لديك أقوال أخري؟ 
ج: لا.

تمت أقواله وتوقع منه بذلك.
 
ملحوظة: حيث قمنا بالاتصال الهاتفي بالسيد العميد مأمور قسم شرطة حلوان وذلك لتدبير وسيلة الانتقال وذلك للإنتقال لمحل ارتكاب الواقعة لإجراء المعاينة التصويرية.

هذا وأقفل المحضر عقب إثبات ما تقدم وقررنا الآتي: الانتقال لمحل ارتكاب الواقعة  لإجراء المعاينة التصويرية.

س: هل تتعاطي ثمة مواد مخدرة؟ 

ج: ايوة انا بشرب الحشيش.

س: وهل كنت متعاطيا لتلك المادة المخدرة حال ارتكابك للواقعة محل التحقيق؟ 

ج: أيوة أنا كنت شارب سيجارة حشيش قبل ما أروح الترب عشان اعمل القصة دي.

س: وهل تتعاطي تلك المواد المخدرة اختياريا أم إجباريا؟
ج: أنا بشرب المخدرات بمزاجي.
 
س وما هي كيفية تعاطيك لتلك المادة المخدرة تحديداً؟
ج: أنا بلف سجاير حشيش.

س: وما هي كيفية شرائك المادة المخدرة 
ج: بشتريها من واحد موجود هناك فى عزبة الوابور.
 
س: وما هو اسم بائع تلك المواد المخدرة لك؟ 
ج معرفش اسمه انا بشوفه في الشارع.
 
س ما قولك فيما جاء بأقوال المدعو محمد مغربي محمد احمد بتحقيقات النيابة العامة بتاريخ 18/4/2021؟ (تلوناها  عليه تفصيلا)
ج: ايوة ما أنا ولعت في الجثة في الوقت ده 

س: ما قولك فيما جاء بأقوال المدعوة ثريا ابو هشيمة عبد الوهاب بتحقيقات النيابة العامة  من أنك قمت بالتقابل معها داخل مسكن المدعوة فاطمة حلمي عبد الحميد وأنك قررت لها بالتوجه الي الجبانات لإتمام واقعة دفن؟

ج: ايوة انا كنت معاهم فعلا ونزلت ورجعتلهم تاني وبعد كدة نزلت علي الجثة واقعتها وولعت فيها وروحت.

س: وما قولك من انك عند عودتك لاحظت سالفة الذكر عليك آثار اتساخ ملابسك؟

 
ج: أنا على طول متوسخ لكن أنا لما نزلت عملت كده فى الجثة وحرقتها ورجعت بعد كده علي البيت.

س ما قولك فيما جاء بأقوال المدعو أشرف جابر عبد الحميد بالتحقيقات من انه تقابل معك بتاريخ الواقعة و قررت له بقيامك بالتوجة لاتمام احد الدفنات بالجبانات ولاحظ ذات ما لاحظاه سالفيه من اتساخ لملابسك بالأتربة؟

ج: أيوة عشان أنا كنت نزلت جبت بخور ولما رجعت تاني اخدت تليفوني منه وبعدها رحت علي الجثة ورجعت علي البيت بعد كدة. 

س ما قولك فيما جاء بأقوال المدعو طارق حماد قرر بوجود خصومة فيما بينك وبينه علي اثر سوء سلوكك وتعاطيك للمواد المخدرة؟
ج: أيوة عشان كده انا قررت احرق الجثة عشان انتقم منه وعشان اهلها يبهدلوه والمحافظة تمشيه وتشيله من الترب.

س: وما قولك فيما جاء بأقوال الرائد محمد السيسي بتحقيقات النيابة العامة بتاريخ 18/4/2021 من أنه وبسؤاله قرر بان تحرياته السرية حول الواقعة توصلت إلي قيامك بأرتكاب واقعة اضرام النيران بجثمان المتوفاة الي رحمة الله مني احمد جاد انتقاماً من المدعو طارق مصطفي عاطف الشهير ب "طارق حماد" وحتي تضعه في مواجهة أهلية المتوفاة وامام الجهات المختصة؟
ج: ايوة انا كنت عايز أنتقم من طارق عشان دائماً بيتعدي عليا وبيضيقني.
 
س: وما قولك فيما سبق وقررته بتحقيقات النيابة العامة سالفة البيان من أنه وبسؤالك قررت بأن قصدك من أرتكابك الواقعة هو التعدي جنسياً علي جثمان المتوفاة الي رحمة موالاها؟

ج: أنا كان قصدي أنتقم من طارق حماد بأني اولع في الجثة ولما فتحت الكفن لقيت بنت حلوة فقلت أجرب وأنام معاها، فقلعتها الكفن ونمت معاها وبعد كده ولعت فيها عشان أخبي اللي أنا عملته وفى نفس الوقت عشان أضر طارق حماد.
 
س: وهل قمت بالتوجه إلي محل ارتكاب الواقعة بنية إضرام النيران بجثمان المتوفاة الي رحمة مولاها؟

ج: أيوة أنا نزلت وكنت رايح علي المقابر وجبت البنزين, عشان أولع في الجثة وأنتقم من طارق حماد، لكن لما فتحت لقيت بنت حلوة قررت انام معاها كمان، وبعدين اولع فيها عشان أخبي اللي انا عملتو، وكمان عشان أنتقم من طارق حماد ولما الناس تعرف وأهلها كمان يعرفوا هيبهدلوه وكمان الحكومة هتطردوا من المقابر.

 س: أنت متهم بوضع النيران عمدا بمكان ليس مسكونا وهو المدفن المملوك لعائلة المتوفاة إلي رحمة مولاها مني احمد جاد حسن بأن قمت بالدلوف إلي المدفن وذلك عن طريق كسر من الخارج وقمت بسكب مادة معجلة للاشتعال جازولين وأشعلت النيران فأحدثت الحريق المبين أثاره؟ 

ج: أيوة الكلام دا حصل.

س: أنت متهم بإحراز مادة مخدرة جوهر الحشيش المخدر بالذات وذلك بقصد تعاطيه على النحو المبين بالأوراق؟

ج: أيوة أنا بشرب الحشيش.

س: أنت متهم بانتهاك حرمة القبور وتدنيسها بأن قمت بالدلوف إلى الجبانة الخاصة بعائلة المتوفاة إلى رحمة مولاها منى أحمد جاد حسن وذلك بأن قمت بانتهاك حرمة الجثمان ثم قمت بإضرام النيران به وذلك على النحو المبين بالأوراق؟

ج: أيوة الكلام ده حصل فعلاً.

س: أنت متهم بعدم حمل بطاقة تحقيق شخصية حال كونك أحد رعايا جمهورية مصر العربية وقد تجاوزت السن القانوني لذلك؟ 
ج: البطاقة بتاعتي في القسم.

س هل لديك أقوال أخرى؟ 
ج لأ تمت أقواله، وتوقع منه.