رئيس التحرير
خالد مهران
count
count

صدمة| تسريب صوتي يكشف خطة حسام حبيب للزواج على شيرين.. ويفضح سرقته لها

حسام حبيب وشيرين
حسام حبيب وشيرين


تداول عدد من متابعي مواقع التواصل الاجتماعي، تسريب صوتي على أنه لـ"حسين حبيب"، والد الفنان حسام حبيب، تحدث فيها عن خطة ابنه للزواج من فتاة آخرى، على الفنانة شيرين عبد الوهاب، من أجل الإنجاب، لاسيما بعد تأخر حمل "شيرين"، لتخطيها سن الأربعين.

وقال "حسين"، في التسجيل، إن ابنه يتحكم في حسابات "شيرين" المالية، ويسحب منها ما يشاء،  وإنه ووالدته لا يحبونها، وأنه كان يرغب في طلاقها منذ فترة.

وتابع: "أنا عارف حسام ابني دماغه سم وهو ذكي جدًا ومش سهل، فأكيد هو في دماغه حاجه ومأمن نفسه، وإيمان أم حسام مش بتحب شيرين، إيمان تنكه، وعامله زي المليونيرة لما يفلس هي صرفت الفلوس اللى أبوها سابهالها وصرفت فلوس حسام، وشيرين بتبقي عايزة تقولها بتتنكي على أيه يا.. ده أنا عزماكي وهتسافري على حسابي والفندق على حسابي".

وتحدث الأب عن رغبته في أن يرزق بحفيد من حسام قائلًا: "نفسي يبقي عندي حفيد، وبعدين نفسي أجيب عيل أنا نفسي أخلف أنا كمان".

وعن زواج ابنه حسام من فتاه أخرى لأجل الأنجاب بدون علم "شيرين"، قال :"ليه حسام مايتجوزش بالسر مثلًا، أنا فكرت في خطة حلوة أوي، أنا هقوله يجي يتجوز ويخلي مراته عندي، ومايقولش لشيرين ويبقى يجي يقابلها هنا عندي، هو ساعات بيروح يقعد عند أمه في الرحاب في التجمع، المهم مرات حسام تقعد معايا هنا، وحسام يبقى رايح جاي من غير ما يقول لشيرين، لما تحمل وتخلف ويبقى عنده عيل فرحان كده بيه عايز يقولها يقولها مايقولهاش هو حر، هو مقتنع بكلامي وهو قالها إنه هيتجوز عشان عايز يخلف".

وأسأل: "هي قضت على حسام، يعني من ساعة ما حسام عرفها مش داريان بنفسه، لا نزل أغنية ولا اشترك في فيلم ولا مسلسل، يعني هي سحبت كل وقته وخدت نجوميته وضافتها على نجوميتها هي، هي داست عليه وطلعت على حسابه هو".

وأشار إلى أنها: "حتى لو مابتخلفش، واحدة خلاص عندها ٣٩ سنة وقربت على ال ٤٠ احتمال الخلف عندها ضعيف وهما بقالهم سنتين أهو ماخلفوش لية، هي سافرت امريكا بس ماقالوش عملوا اية في امريكا، كانت بتعمل رعاية صحية بتعمل تحاليل وبتكشف وبتعمل استشفاء في أمريكا أو بيسموها check up بتطمن على نفسها، وهو عمل كمان فحوصات عشان يشوف نفسه الخلفة كويسة".

كما شكك بحب حسام حبيب لزوجته: "مش عارف هل هو بيحبها بجد فعلًا زي ما بيقول كده ولا هو ذكي وعارف أن هي شخصية متقلبة وممكن في أي وقت تطلب الطلاق وكده، هي شخصية بتمل الدنيا ونفسها وولادها، عندها جنون الفنانين ده فاهمة، أنا من مصلحته يتجوز بنت صغيرة تخلف له وجميلة وعندها طموح".

وفي نهاية حديثه سخر من أصل "شيرين"، بقوله: "تحسي أن هو راقي وتحسي أن هي من بيئة مختلفة مش من نفس البيئة".