الورقي
17 سؤالا وجوابا عن العدادات مسبوقة الدفع
نشرت صفحة "أخبار الكهرباء"، عبر موقعها على فيسبوك، 17 سؤالا وجوابا، تتناول المشكلات المرتبطة بالعدادات مسبوقة الدفع، جاءت كالتالي:
1- إزاي ممكن اعرف رصيدي؟
️ج: بالعداد 3 شاشات رئيسة الرصيد بالجنيه- الرصيد بالكيلو - الشريحة.
2- إمتى أشحن؟
ج: توجد لمبة بيان بواجهة العداد تضيء عند وصول الرصيد إلى حد الإنذار، وتضيء ثانية عند وصول الرصيد، إلى حد الفصل، وعندما يفصل ضع الكارت في العداد، لتعود الكهرباء حتى تقوم بالشحن.
3: ما أفضل وقت للشحن خلال الشهر؟
ج: هناك شائعة بأن الشحن أفضل في أول الشهر، لأنك تكون عند الشريحة الأولى، وبالتالى رصيدك بالكيلو سيكون أكبر، لكن نفترض أن رصيدك انتهى فهل ستظل دون كهرباء حتى أول الشهر؟ طبعا لا، وللعلم فعند أول كل شهر يعود العداد للشريحة الأولى، وبالتالي فرصيدك بالكيلو يزيد مره آخرى.
4 - لماذا لا يعود العداد للشريحة الأولى عند الشحن؟
ج: العداد مبرمج بالوقت والتاريخ ويعود للشريحة الأولى مع أول دقيقة كل شهر، وهو بذلك يحقق عدالة استخدام لأنه في نظام العداد القديم تتم المحاسبة على أساس شهر من مرور القارئ، وحتى مروره مرة آخرى، أما العداد مسبوق الدفع فيعمل بنظام برمجي بالوقت والتاريخ محكم.
5- هل هناك حل لو فصل العداد إنذار والكارت غير موجود بجانب العداد؟
️
ج: لو حضرتك فى الشغل والكارت معاك وفصل العداد، إنذار ممكن اللى فى البيت يقوم بادخال بطاقة الرقم القومى، أو فيزا بنك فى العداد الدفع فيعود التيار الكهربائى فورا حتى عودتك بالكارت.
6- هل قيمة الشحن هى من تحدد الشريحة؟
️
ج: لا طبعا الشريحة اللى بيحددها استهلاك حضرتك لان كل شريحه بكمية معينة من الكيلووات، عند استهلاكها حضرتك بتتنقل لشريحة أعلى حتى أول الشهر وعودتك للشريحة الأولى مره آخرى.
7ـ شاشات العداد الآخرى ماذا تعنى ؟
️
ج: شاشات العداد الآخر تحتوى على بياناتك مثل: رقم العداد ورقم المشترك والوقت والتاريخ وفى حالة أنه فى فروق شرائح، أو العداد وصل الرصيد صفر ولم يفصل لأنه إجازة أو ليلا، كما هو مبرمج بالعداد وتوجد شاشة الديون بالجنيه حتى تقوم بالشحن وتخصم الديون من العداد وليس الشحن كذلك شاشة الجهد والاستهلاك الكلى منذ تركيب العداد واستهلاك كل شهر على حدة.
8- هل بامكانى متابعة استهلاكى بالكيلو وات خلال الشهر؟
ج: نعم وبكل سهولة من شاشة الاستهلاك خلال الشهر، تقدر تعرف استهلكت كام كيلو كما يمكنك قبل التوجه للشحن تركيب الكارت بالعداد حتى ظهور كلمة كارت مقبول وبالتالى عند قدومك إلينا للشحن نستطيع الإجابة عن كل الاستفسارات التى تريدها.
9- نسمعكم دائما تؤكدون علينا بتركيب الكارت بالعداد قبل الشحن فما الفائدة؟
ج: الحقيقة هذا الجزء بالذات مهم جدا لأنه أولا نستطيع الرد عن كل أسئلتك، وحالة العداد وحالة البطارية وطمئنتك والرد عليك كذلك تساعدنا فى تحديد نسبة الكهرباء المستهلكة بالكيلو والجنيه.
10- لو الكارت ضاع إيه الحل؟
️
ج: حضرتك بتشرفنا ويستحسن لو معاك صورة أو رقم العداد كذلك بطاقة الرقم القومى للاطلاع عليها أو توكيل أو عقد إيجار موثق من صاحب العداد بتقوم بدفع قيمة الكارت الجديد طبقا للرسوم المقررة بالشركة وبيتم استخراج كارت جديد وتفعيله وبتستلمه فى دقائق معدودة.
11- وهل يتلف الكارت؟
️
ج: نعم لو تعرض للماء والعرق والشمس بتتأثر الشريحة النحاسية ولا تعود تعطى بيانات ولا نتمكن من قرأتها بيتم تغييرة لذا ننصح بالحفاظ على الكارت.
12- ما العمل لو الكارت ضاع وعليه شحنه لم تفرغ بالعداد؟
ج: لا داعى للقلق كل عملية شحن بتسجل فى ذاكرة العداد برقمها وقيمتها ولو ضاع الكارت وعليه شحنه لم تفرغ بالعداد بيتم استخراج كارت وعند برمجته بتسجل كل بياناتك وكذلك عمليات الشحن بأرقامها وقيمتها وعند تركيب الكارت بالعداد لو ذاكرة العداد وجدت عمليه لم تفرغ بالعداد يتم استقبالها بالعداد وتنفذ فورا.
13- هو فعلا العداد مش بيفصل بالأجازات الرسمية وبالليل؟
ج: بالفعل.. العداد مبرمج على عدم الفصل الجمع والإجازات الرسمية وكذلك من الساعه 5 مساء، وحتى ١٠ صباحا.
14- لو عندى لوحة العداد فيها كذا عداد وبنفس الاسم اعرف أزاى الكارت الخاص لكل عداد؟
ج: الكارت يوجد به استيكر عليه رقم المشترك لو قلبت فى شاشات العداد حتلاقى بعد الثلاث الشاشات الرئيسيه شاشة رقم العداد وبعدها شاشة رقم المشترك يمكنك منها معرفة الكارت الخاص بكل عداد.
15- الشحن ما هى الوسائل المتاحة له؟
️
ج: أولا الشحن من أى هندسة تابعة للشركة أو الشحن من اى منافذ بيع فورى.
16- لو مصلحة محتاجة منى إيصال كهربا إيه العمل؟
ج: مع كل شحن بتستلم إيصال حرارى ولو محتاج إيصال تفصيلى متاح ولو المصلحة محتاجة بيانات العداد وتاريخ التركيب بيتم استخراج شهادة بيانات ليك.
17- لو فتحت غطاء العداد؟
ج: سوف تدفع غرامة فتح الغطاء طبقا للرسوم المقررة بالشركة.
