تفاصيل «تشيب» في واقعة اعتداء على فتاة بمول العرب

البوست طويل شوية بس معلش كله يقرأه، ركنت العربية عند بوابة ( ١٣ ) و لسه هنزل من العربية واحد جيه فتح باب العربية اللى جنبى و ركب بمنتهى الهدوء وحاطط ايده على بوقى عشان مصوطش و بيقولى " لو صوتى هدبحك" أنا قعدت اصوت وزقيت ايده ورميت نفسى بره العربية كل ده و انا بصوت !! مش عارفة انا عملت كدة ازاى لغاية دلوقتي".

وتابعت:" كان فى واحد راكن الناحية التانية جيه على صويتى جرى بيقولى فى ايه البيه سمعه طبعاً نزل جرى ناحية السور و نط من عليه و اختفى طبعاً بعد ما كل ده حصل بشوية جايلى واحد المفروض انه بتاع أمن معرفش ازاى يعنى جاى بيقولى .. فى ايه ؟؟؟!!!".

واستكملت:" الدنيا اتقلبت طبعاً وجابوا مدير الأمن ده بعد وسائط و زعيق جاى البيه بمنتهى البرود يقولى اهدى ان شاء الله هنجيبه ! جابوا الڤيديو من على الكاميرات اللى ملهاش لازمة لانها مش جايبة حتى رقم العربية اصلاً عشان اجيب وش الزفت اللى اصلاً لابس كمامة و كاب !  كاميرات منظر ولا ليها لازمة ! وفى الاخر يقولى متعمليش محضر ولمى الموضوع واحنا جاهزين لأى تعويض".