الورقي
بالصور: كومباوند شهير في أكتوبر يدبر مذبحة للكلاب بطريقة لا تخطر على عقل إنسان
كشف أحد المهتمين برعاية الحيوانات عن ممارسات غير إنسانية يقوم بها كمبوند جاردن هيلز، تجاه الكلاب بعد تعاقدهم مع شركة لجمع الكلاب من الكمبوند وبدورها تقوم الشركة بالتخلص من الكلاب بشكل غير إنساني.
وقال أحد المهتمين في إحدى جروبات رعاية وإنقاذ الحيوانات" 27 روح في كارثه إنسانية تحتاج لتدخل سريع ، شركات السبوبة لا دين لها، مجموعة لا بشرية لقوا نفسهم فاضيين عملوا شركة اصطياد كلاب، والتخلص منها عن طريق ربط الفم حتي الموت جوعا".
وتابع قائلاً:" في كمبوند اتعمل في منطقة صحراوية كده في أكتوبر والكلاب اصلا كانت عايشة في الصحرا لوحدها بس لما البناء بدء واشتغل بدءوا يتألفوا على الناس ويحبوهم لغاية ما الكمبوند اللي اسمه جاردن هيلز garden hills بدء يسكن فعلا في ناس قالتلك ايه ده ازاي اصحي اشوف مخلوقات دي دي بتمشي كده في الشارع اللي امشي فيه مش معقوله ( والله نفس الجمله كده زي ما بنقولكم ) وكأن ربنا خلق لينا الكوكب واحنا اشتريتاه لينا لوحدنا.
وتابع قائلاً:"قامت إدارة الكمبوند بالتعاقد مع شركة أقل ما يقال عليها انهم وحوش في صورة بشر بينزلوا يحطوا صناديق حديد جواها اكل فيه منوم، الكلب ياكل من هنا ينام من هنا".
واضاف قائلاً:"طيب الفكرة بقي ركز كدة معايا هما مش بيخدروهم عشان ينقلوهم مثلا لا بيخدروهم عشان يربطوا ايديهم ورجلهم وبقهم ويسيبوهم كده ف الصحرا لغايه ما عمرهم يخلص يعني ابليس اكيد مش هيفكر كدة".
وقال:" الخطأ خطأ الكمبوند كله اللي اتعاقد مع مجموعة لقوا نفسهم فاضيين عملوا شركة يتسلوا بيها على تعذيب مخلوقات ربنا بالمنظر ده، شركة زي دي خطر لازم تتعاقب كلها".
وطلب من إدارة الكمبوند الافراج عن الكلاب، مؤكداً على ربط الكلاب من أمس في جراج في إنتظار الشركة لإلقاءهم بالصحراء.
