رئيس التحرير
خالد مهران
count
count

بالصورة.. تصرف صادم تجاه مريضة مسنة في مستشفي شهير بالإسكندرية.. وأهلها أخر من يعلم

 مستشفي شرق المدينة
مستشفي شرق المدينة بالإسكندرية

استغاثت سيدة بالمسئولين من مدير مستشفي شرق المدينة بالإسكندرية، بعد نقل والدتها المسنة صاحبة ال 90 عام لمستشفي صدر كوم الشقافة بكرموز دون علم أهلها، فضلاً عن نقلها بمريلة العمليات وبدون ملابس أخري.

وقالت في منشور لها على إحدى جروبات الإسكندرية:"لو يرضي ربنا ويرضي كل مسئول في الدولة ان امي عندها ٩٠ سنة مدير مستشفي شرق المدينة بالاسكندرية يخرجها بدون علم اهلها وبدون ملابس يادوب مريله بتاعة العمليات فقط وطبعا حضرتك فاهم يعني ايه.

وتابعت قائلة:"جسمها كله باين ويوديها مستشفي صدر كوم الشقافه في كرموز بحجه ان عندها كورونا وهي كانت عاملة مسحة وطلعت سلبيه والمسحة الثانية سألت الممرضة وقالتلي الحمد لله طلعت سلبية، ولم يرسل معها ورق او اشاعات او تحاليل، وطبعا مستشفي صدر كوم الشقافه ما استقبلتش الحالة لان مافيش سرير في العناية ، علما انها كانت في العناية بمستشفي  شرق المدينة".

وتسائلت قائلة:" انا بسأل دلوقتي ممكن مريض يخرج من المستشفي لاي سبب من الأسباب بدون علم اهله، ويرضي ربنا خروج مسنه من المستشفي بدون ملابس، وينفع الاسعاف تنقل مريض بدون اي اثبات شخصيه او بدون اهله.
ينفع يبقي مافيش تنسيق بين مستشفي شرق المدينة والمستشفي الاخري بدون علم اذا كان يوجد سرير بالعناية ام لا.

ينفع مريضة تتنقل من مستشفي لمستشفي اخري من غير جواب تحويل.