«ده بيكره الجيش».. أحمد فلوكس يعلن عن خطواتة التصعيدية ضد أحد الملاك ب «كمباوند إليجريا» فى الشيخ زايد

نشر الفنان أحمد فلوكس ردًا على حازم حمزة، أحد الملاك ب كمباوند "إليجريا"، الذي تعدى فيه على فرد أمن بوابة الدخول، عبر حسابه الشخصي على " إنستجرام"، وقال:" أدي أساس الموضوع.. المشكلة إن الأستاذ صاحب الكمباوند صاحب المال والنفوذ الحقيقي وأنت تعلمون جيداً من هم أصحاب كمباوند بيفرلي هيلز وشركة إدارة بيداري على كل الأخطاء والافتراءات وبيستخدم كل أساليب التشهير من تسريب جزء  من الفيديو وكلام غير صحيح وإخفاء واقعة تعدي الشوم للتشهير بشخصي وبيستخدم كل نفوذه وطبعاً عرفتوا ليه ممنهج وخصوصا بربط الممر والجيش فلول بقي وكده".

وتابع أحمد فلوكس قائلاً: "طيب حضرتك الشتيمة والتشهير ده  أسمه إية مش باردو بلطجو وأسلوب وسخ وقذارة، عموماً أنا ردى عليك قانوني وهاخد حقي منك حتى لو كنت شريك أهم الناس "راسخ" سابقاً، ومهما كنت واصل فأنا معي الله".

واستكمل قائلاً:" أنا أكن كل الاحترام لجميع الناس اللي مدخلة رغم كم أساليب الغير محترمة المتبعة ضدي لإبتزازي وأهم دليل على هذا مكالمتي مع الأستاذة الفاضلة سحر العجاتي وكنت أتمني تكون بالمثل لحضرتك لكن من الواضح أن المال والنفوذ الحقيقي أخلاقه بتبان".

ووجه أحمد فلوكس رسالة لمالك الكمباوند قائلاً:" لو فاكر أني خروف يبقي بقالك كتير مابتدبحش لله فانسيت الخرفان شكلها إيه يا باشا واتمني ان تكون على حق وخصوصاً انت اصلاً خارج البلاد.. الله المستعان الموضوع أصبح شخصي جدا ولن أترك حقي، أولا بعد التشهير بيا وثانياً لتطهير البلد من أمثالك المنتفعين السابقين للنظام السابق  والكارهين للقوات المسلحة وغير المنتفعين من النظام حاليا.. شريك مجدي راسخ ومنتفع النظام السابق اللي كان واخد متر الأرض بملاليم وبايعة بملاين.. اللي بيكره الجيش والنظام علشان عارفين تمامه وعلشان مش بتوع مصالح".

وختم أحمد فلوكس قائلاً:" أنا مش هاسيب حقي منك ولو انت صاحب شركة الأمن والكمباوند والفيديوهات بتاعتك والقسم  والدنيا معاك فأنا معايا الحق وربنا وأنا مابسبش حق أبني اللي حضرتك قاعد تشوه في أبوه وفاكرة النظام.. حسبي الله ونعم الوكيل فيك وفي أمثالك".