الورقي
شباب "لسه فينا الخير" تحارب جشع التجار بأسعار مخفضة جدا لشنط رمضان
أعلن شباب "لسه فينا الخير " عن تجهيزهم شنط رمضان والتي تحتوي علي كل السلع الغذائية بأسعار مخفضة جدا للمواطنين مراعاة منهم للظروف الصعبة التي تمر بها مصر حاليا والقضاء علي جشع التجار .
وقال أحمد الشيوي أحد أصحاب المبادرة "احنا في وقت عصيب الايام وقمنا بعمل فكرة لمحاربة الجشع و الغلاء كمبادرة .. و البداية كانت الخضروات و الفاكهه و اللي الناس لحد دلوقتي بتبعت لينا طلبات و اللي فاكرين اننا تجار .. لسه فينا الخير و مش من دلوقتي لا من زمان .. و الخير فيكم قبل فينا ".
وتابع احمد "احنا مبنعملش حاجه .. احنا مجرد اداة من ربنا .. عشان نساعد الناس اللي بتدعي ..
واستكمل " رمضان بيدق على الابواب ... نسب الناس المحتاجه دلوقتي اعلى من رمضان اللي فات .. ربنا قدرنا و رزقنا و عملنا اعداد كبيرة جدا من كراتين رمضان و رزقنا و قدرنا كمان نساعد ناس من جيرانا في انها تعمل معانا الخير دا ".
وأضاف الشيوي " فيه اسر متضررة من اللي بيحصل و بدل ما يبقى الموضوع في صورة صدقة و يجرح عفه النفوس بقى في شكل كراتين رمضان كهدية زي ما جرت العاده مثلا في المناسبات لمد العون ..احنا عملنا ٣ انواع كراتين فيهم كل الاحتياجات .. ١٤٨ ج و ١١٨ ج و ٨٨ ج " .
