رئيس التحرير
خالد مهران
count
count

نجل مريض في معهد الأورام يكشف تفاصيل كارثية عن الإصابات بكورونا

المعهد القومي للأورام_
المعهد القومي للأورام_ أرشيفية

كشف الزميل السابق محمد مكاوي، أن والده مريض بالسرطان، وكان محتجزًا في المعهد القومي للأورام، كما كشف تفاصيل كارثية داخل المعهد، مؤكداً انتشار فيروس كورونا بين العاملين بالمعهد في ظل تكتم رئيس المعهد الدكتور حاتم أبو القاسم.

وقال مكاوي في منشور له عبر صفحته الشخصية على "فيسبوك"،"اللي بيحصل في معهد الأورام جريمة لازم الكل يتحاكم فيها وأولهم عميد المعهد حاتم أبو القاسم..
والدي في المعهد محجوز، يوم 21 مارس 8 الصبح جاتني معلومة إن فيه حالة كورونا في الطوارئ وتم حجزها في الدور السادس جناح ( أ ) .

وأضاف الزميل السابق قائلاً:" حاولت أقابل العميد أكثر من مرة لمعرفة تفاصيل ومعرفتش وبرن عليه مش بيرد، والطبيعي إن وقت ما كنت بحب أقابله برن عليه يقولي اتفضل، يوم 26 تواصلت مع دكتورة صديقة قالتلي 2 دكاترة أصيبوا وعاملة نظافة وخد أبوك وأمشي، نص ساعة خلصت إجراءات الخروج ومشيت، ومتابع مع التمريض هناك وحد معرفة قالي عاملة النظافة نقلت المرض لكوشك الكيماوي وكل طاقم التمريض هناك أصيب بالكورونا وكمان اكتر من 18 دكتور غير أكتر من 120  من التمريض غير بقى عُمال النظافة والأمن.

واستكمل قائلاً:" فتخيل كوشك الكيماوي مثلا ال بيدخله أكتر من 450 حالة في اليوم، والدكتور الواحد بيكشف على أكتر من 150 حالة في اليوم غير مرور الغُرف، والمصيبة إن بتوع الكيماوي بياخدوا الجرعة ويمشوا لبيوتهم.. تخيلوا العدد هتلاقوا الوضع كارثي، النهاردة الصبح جاني اتصال من قسم الأشعات قالولي متجيش إلا لما نرن عليك، كلمت حد من التمريض أعرفه قالي إحنا عاملين إضراب لإن العميد طالب مننا نعمل مسح وتحاليل على حسابنا ولازم نعملها.

وأضاف قائلاً:"الوزارة قالت مش هنقدر نوفر مسح للعاملين كلهم عشان كتير ولازم كل واحد يدفع 500 وأكتر كمان عشان يتعملهم فحص".
وختم قائلاً:"مش عارف أقول أيه غير حسبي الله ونعم الوكيل في حاتم أبو القاسم ال بسبب خوفه على الكرسي قتل وهيقتل الآلاف من مرضى السرطان ال فيهم ال مكفيهم وكان ممكن يلحق الكارثة دي من يوم 21 مارس ومش مستاهلة عناد وكدب ولف ودوران".