الورقي
أيمن بهجت قمر ينفعل على إيناس عز الدين: «بحملك كل الاذى النفسي اللي سببتيهولنا»
نجحت المطربة إيناس عز الدين، خلال الأيام القليلة الماضية، في لفت أنظار الإعلام والمصريين جميعًا إليها بعد إعلانها إصابتها بفيروس كورونا المستجد، حيث نشرت فيديوهات لها تكشف من خلالها مراحل إصابتها بهذا الفيروس.
كما كتبت العديد من المنشورات، عبر حساباتها الرسمية على مواقع التواصل الاجتماعي، كشفت من خلالها عن تفاصيل تعبها واستنجدت بوزارة الصحة، التي استجابت إليها سريعًا وارسلت لها سيارة اسعاف، ولكن بعد ذلك ظهرت نتائج التحليل واتضح أنها سلبية.
من جانبه، هاجم المؤلف أيمن بهجت قمر، المطربة إيناس عز الدين، واتهمها ببث الرعب في قلوب المصريين، مشيرا إلى أنه كان من الأفضل أن تتأكد من إصابتها قبل إعلانها للجمهور.
وكتب "أيمن"، عبر حسابه الرسمي على موقع "فيسبوك": "انا ماليش علاقه ان المطربه الجديده ايناس صورت برص في المستشفى هي حره وده طبعا شئ محدش يقبله.. انا ماليش علاقه باراءها السياسيه او اللي بتكتبه على صفحتها".
وتابع: "لكن انا اللي اذاني نفسيا انها عيشتني انا واسرتي حالة رعب لانها عندي على الصفحه هنا وكم البوستات والفيديوهات الكتير اللي اقرت فيهم باصابتها بالمرض وكم الدعاء ليها من الناس الطيبين وكلمات المواساه وهي ما انكرتش ده وماقالتش انه اشتباه ولما المواقع كتبت اول فنانه تصاب بالكورونا مانفتش وانا عيشت بجد ليله صعبه لاني حسيت ان المرض ابتدى يدخل دايرة المحيطين بيا".
وأكمل: "تاني يوم الصبح ابتدى صحابها يكتبوا ان التحاليل اثبتت انها مريضه بالكورونا وشفتوا ازاي ظلمتوها وهي برضه ما انكرتش وقتها ان التحاليل لسه ما طلعتش!".
وأوضح: "لازم وقفه مع اي حد بيلعب باعصابنا والله اعلم هي عملت كده ليه لو هتقوللي عندها اعراض انا خدت نظره سريعه على بعض فيديوهاتها ولقيتها ممكن تكون مزكمه عندها كحه لكن كم الفيديوهات اللي عملتها والبوستات الطويله مش بتاعة حد عنده ضيق تنفس وصداع حاد لدرجة شكوكه ف الكورونا كان ممكن تطلع تقول انا شاكه ابعتولي حد .. ننتقد ان الرقم مثلا ما بيردش ..اما عن تسييس الامر فبجملت!".
واختتم حديثه قائلًا: "ايناس .. انا بحملك كل الاذى النفسي اللي سببتيهولنا والتوتر اللي عيشتينا فيه ولازم وقفه مع اي حد يطلع يستغل الظروف والتعب النفسي اللي احنا فيه ده.. وبامانه اللي انتي عملتيه لا بينجح ولا بيشهر.. دي تصرفات بتاخد وقتها وبتتنسي كان ابرك تعمليها اغنيه كانت هتبقى اشرف وهتفيدك اكتر ..إخس بجد".
