رئيس التحرير
خالد مهران
count
count

إحراق 4 سيارات فى «نزلة السمان».. كيف أنقذ باسم سمرة محمد رمضان من «الموت المحقق»؟

عباس أبو الحسن ومحمد
عباس أبو الحسن ومحمد رمضان وباسم سمرة


تستمر أزمات محمد رمضان خاصة بعد التصريحات الأخيرة  له خلال استضافته ببرنامج الإعلامى وائل الإبراشى على التليفزيون المصرى.

وأكد رمضان أن باسم سمرة "مكنش في وعيه" عندما دفعه عن طريقه فى أحد الأفراح الشعبية، وهو ما ظهر فى الفيديو المتداول على مواقع "السوشيال ميديا».

وهاجم الفنان عباس أبو الحسن، محمد رمضان، وكتب عبر صفحته الشخصية على موقع التواصل الاجتماعي "فيس بوك": "هو وصله تمام بس باسم نسي يفكره لما المتنمبر ضرب عيل كان عايز يتصور معاه أثناء تصوير مسلسل في نزلة السمان، وبوظله وشه من 5 سنين، وطلع ابن عيلة كبيرة جدًا في النزلة، وقاموا مولعين في 4 عربيات من التصوير، وحبسوهم، والمتنمبر معاهم جوة الشقة، اللي كانوا بيصوروا فيها بالبودى جاردات بالكرو، إنه استنجد بباسم سمرة في نص الليل، ونسي إن اللي خلص القصة دي هو باسم سمرة، وهو الوحيد اللي قدر يفك أسرهم بعلاقاته واسمه، وإن الشبح على الشاشة حاجة، وفي الحقيقة حاجة تانية خالص".

وفى سياق متصل، هاجم  الفنان باسم سمرة، محمد رمضان، خلال المداخلة الهاتفية مع الاعلامى عمرو أديب، قائلًا: "أنا مقدرش أرد عليه لأني ابن ناس محترمة، ولو بتقول أنا نمبر وان، أنا هوريك، أنا محدش يعرف يهنى، وخصوصا لو الكلام طالع من عيل صغير".

يشار إلى أن محمد رمضان يشارك في السباق الرمضانى المقبل بمسلسل "البرنس"، ويشارك في بطولته كل من أحمد زاهر، روجينا، نور اللبنانية، نجلاء بدر، أحمد داش، محمد علاء، ريم سامى، وأخرون تأليف وإخراج محمد سامى ، انتاج سينرجى.