لقاء الخميسي ترفض وقف مطرب «خد تصريح»
علقت الفنانة لقاء الخميسي، عبر حسابها الشخصي على موقع "إنستجرام"، على أزمة أغاني المهرجانات، بعد قرار المهن الموسيقية بمنع التعامل معهم نهائيًا.
ونشرت "لقاء" صورة لمطرب المهرجانات حسن شاكوش، وعلقت عليها قائلة: "أول مره أتكلم وأقول رأيي المتواضع في أي حاجه بتحصل ! الدنيا قايمة على موضوع شاكوش والأغنية والحفلة اللي ف الإستاد وعيد الحب.. 1- أنا مش مع وقف مغني خد تصريح قبل كدا من الرقابة وبيقدم لون شعبي وليه جمهور عريض .. بالعكس أنا مع احتضانه والاتفاق معاه بأنه يختار كلمات الأغنية بعناية طالما أنا عندي يقين انه ممكن يفيد البلد في تقويم الجمهور .. قصدي نلعبها بصياعة ويبقى بيقدم فنه بس بكلام متنقي وشعبي وسهل برضه".
وأضافت "2-
اتنين بقى .. الإستاد دا مكان مهم جدا .. حرم كروي إذا أي حفله بتتقدم فيه لازم تبقى
على قدر وضعه لأنه كمان الحفلة بتتعرض على الهوا.. وأنا مش شايفه من رايي أن الحفلة
أساسا مكانها الإستاد بس إذا افترضنا أن مافيش غيره، يبقى لازم ننتقي المغنيين والفنانين
بقى.. حفلة معروضة ع الهوا ل شعب كامل يبقى أنا اللي اختار واجهة للعالم وللشعب".
وتابعت "مغني مصري ناجح في بلده وناجح عالميا" مش
مغني مهرجانات لأنه دا لون من ألوان الغناء لكنه مش واجهة الفن المصري الأصيل اللي
اترسمله شخصيه من سنين السنين .. فكرة
الاختيار والتوقيت والمكان ... هو دا الصح.. لكن تمنع مغني ليه جمهور يغني
أنا مش شايفه أن دا حل ! الحل
هو الاحتضان وانه يتوجه صح طالما ليه جمهور عريض وممكن نستفيد منه".
وأصدر نقيب المهن الموسيقية، الفنان هاني شاكر، خلال الساعات الماضية، قرارًا بمنع التعامل مع مطربي المهرجانات نهائيًا، وذلك بعدما أثاره حفل مطربي المهرجانات حسن شاكوش وعمر كمال، يوم عيد الحب "الفلانتين" باستاد القاهرة، وغناء الأغنية الشعبي الشهيرة "بنت الجيران" بنسختها القديمة وما تحتويه من كوبليه "أشرب خمور وحشيش".