خططت لإنشاء مصنع مراكب.. سميح ساويرس يكشف تفاصيل مثيرة عن مسيرته فى عالم المال والأعمال

نصح سميح ساويرس، رجل الأعمال ورئيس مجلس إدارة أوراسكوم للاستثمار القابضة، رواد الأعمال بالصبر حتى يصلوا لما يريدون، مشيرًا إلى أن الأهم من الصبر، أن يكون لديهم إصرار وعزيمة، وألا يستمعوا لكلام الأكبر منهم.

وأضاف مازحا: «بقول للشباب ما تسمعوش كلام الكبار، لأن ساعات اللى بينصح مش بيبقى عارف في الحاجة اللي بينصح فيها».

وقال خلال مشاركته في قمة رايز أب لريادة الأعمال اليوم السبت: "أنا لو معنديش صبر ماكنتش نجحت، الصبر بيجيب نتائج كويسة، وأنا كل اسثماراتي طويلة الأجل".

وكشف "ساويرس" عن حديث عدد من رواد الأعمال، قائلًا إنهم «زهقوا من الحاجة اللى بيعملوها وغيروا شغلهم بعد 6 شهور.. ببقى عايز أقولهم أنت عمرك ما هتفلح لو ما صبرتش».

وطلب "ساويرس" من متلقي النصيحة أن يدرسها ويحللها وأن يجمع معلومات حولها حتى يتأكد أنها نصيحة مفيدة.

وأشار "ساويرس" إلى أنه بدأ نشاطه الخاص به في سن 15 عاما، عندما كان طالبا بالمدرسة الألمانية، قائلاً:"المدرسين بتوعنا كانوا بيتغيروا كل شوية، كنت بروح أشتري الحاجات بتاعتهم وأبيعها مرة أخرى وأخد الفرق".

وطلب من كل شخص أن يكون له قائمة من الأهداف متجددة وضرب مثلا قائلا :"مرة فكرت إني طموحي أطلع القمر، لكن بعد دراسة لقتها مش جايبة همها".

وأشار إلى أنه في سن الجامعة كان يخطط لإنشاء مصنع مراكب، قائلاً :"ما تستناش لما تخلص جامعة وتفكر هتشتغل في إيه، لازم من الجامعة تكون محدد عايز إيه".

وطلب "ساويرس" من رواد الأعمال بالموازنة بين حياتهم الشخصية والعملية وقال "هتبقى نقمة لو مكنتش عايز تعمل فلوس، وهتكون مصيبة كبيرة لو أكبر همك أنك تعمل فلوس".