رئيس التحرير
خالد مهران
count
count

«دكتورة جامعية» تتعرض لأفعال مخجلة في سوبر ماركت بالرحاب.. والكاميرات تسجل الواقعة

السوق القديم في الرحاب_
السوق القديم في الرحاب_ أرشيفية


تعرضت إحدى سكان مدينة الرحاب للسب والقذف داخل سوبر ماركت خلف "فودافون" بالسوق القديمة؛ لمطالبتها بباقي "فلوسها" بعد محاولة إجبارها بالحصول على "لبان" بدلاً من الفلوس.

وقالت في منشور لها على أحد جروبات "الرحاب" على موقع التواصل الاجتماعي "فيسبوك": "أنا جارتكم وتعرضت لإهانة بالغة يوم الخميس الساعة الواحدة مساء؛ بسبب إنى بطلب حقى من محل سوبر ماركت بالسوق القديم، واللى حصل إنى كنت بسحب فلوس من البنك مكنة السحب عطلانة فقلت أدخل اشترى زجاجة مية وبيبسى من سوبر ماركت خلف فودافون واديت للكاشير 20 جنيها راح مدينى الباقى كبشة لبان وبقولو أنا ليا باقى فلوس قلى مفيش فكة روحت قلت له بس دورك توفر فكة والدين بيقول حقى مفروض يرجع فلوس".

وتابعت: "راح تطاول عليا وبيقولى هو أنت مبتفهميش وطردنى برة المحل وحاول يضربنى وشتمنى بأقذر الشتائم ولم أتوقع إن ده يحصل بمحل داخل مدينة راقية زى الرحاب كما كنت أتوقع مش كدا دة كمان قالى اتفووووة عليكى وأنا دكتورة جامعية، ومن عيلة محترمة ومعروفة أنا طبعا اتهزقت أمام العمال وكل اللى واقفين واستغل إنى ست بمفردى وكاميرات المحل عنده مسجلة اللى حصل وقلى يلا يابنت كذا".

واستكملت: "رديت عليه الشتيمة لأنه شتم أبويا ورميت الحاجة وسبتها، طبعا أمن السوق وصل وكانوا محترمين وقالو هيفرضوا غرامة على المحل بس أحد الموجودين من الأمن خوفنى وقلى ممكن يتبلى عليكى ويخلى العمال اللى عنده يشهدوا ضدك ويقولو أنت اللى تعديتى عليه".

وختمت: "أنا لقيت نفسى بضيع حقى وبتهان وبتهدد روحت قولت أنا هنزل اللى حصل على صفحات السكان والميديا لأن ميصحش ده يحصل وأكيد اللى حصل من المحل ده هيحصل ثانى لو سكتنا عليه".