الورقي
الرئيس السيسى خلال افتتاح مدينة الأثاث بدمياط: مصر زى الفل والوضع الاقتصادي أكثر من رائع
شهد الرئيس عبد الفتاح السيسي، صباح اليوم الثلاثاء، افتتاح عدد من المشروعات
القومية الكبرى في محافظة دمياط، ومنها مدينة دمياط للأثاث إحدى أهم مدن الأثاث بالشرق
الأوسط، والتي تعتبر إحدى الأولويات التي وضعتها الدولة المصرية على عاتقها في السنوات
الأخيرة، بالإضافة لمشروع إسكان بدار مصر والذي يضم 194 عمارة بمدينة دمياط الجديدة،
بالإضافة لفندق اللسان أول فندق 5 نجوم بمنطقة
الدلتا بمدينة رأس البر، ومحطة متعددة الأغراض في ميناء دمياط.
وأكد الرئيس عبد الفتاح السيسى، أن الدولة المصرية جادة في تطوير ودعم
الصناعة في مصر، من خلال تجهيز الأراضي الصناعية ومنح المصانع بترخيصها للمستثمرين،
وهذا الأمر كلف الدولة مليارات، بما يحقق فرص عمل ويحرك الصناعة بشكل أكثر فعالية.
وفى رسالته للمصريين، قال،: "بقول كدا يا مصريين عشان دى بلدكم مش
بتاعتى أنا بس.. مصر بتاعتنا كلنا وكلنا نخلى بالنا منها وعارفين ما يحدث فيها، ونفرح
بذلك".
وعن مصانع الأثاث في دمياط، قال: "يا جماعة مصر فيها 100 مليون وتنمو،
وحجم الطلب للمساكن والفنادق ينمو.. وعندنا
14 مدينة سيتم افتتاح المرحلة الأولى منهم منتصف العام القادم.. وبالتالي هناك
فرصة للعمل والإنتاج ليهم مكان في السوق المصري حتى لا يعتمد جزء منا على الأثاث من
الخارج.. هنا مدينة الأثاث وهتعمل نقلة كبيرة في المنتج الجميل الموجود الآن ليكون
أكثر جمالا وأكثر اتقانا.. وأنا بحلم بمدينة الأثاث لتأخذها مكانها.. والناس تقول هنروح
مصر عشان نجيب أثاث من مدينة الأثاث بمدينة دمياط".
وأكد الرئيس عبد الفتاح السيسى، أن الدولة تتعامل مع ملفات لم يتم التعامل
معها من 100 سنة، ومنها تطوير بحيرة المنزلة، التي سيتم الانتهاء من تطويرها بحلول
2021.
وتابع الرئيس خلال افتتاح عدد من المشروعات القومية بمحافظة دمياط:
"سيتم تطوير البحيرات في أنحاء الجمهورية حسب المواصفات العالمية، و"هنرجع
كل بحيرات مصر زى الكتاب بتاع بحيرات العالم المتقدم ما بيقول مش زى ما كانت على أيامنا".
وقال الرئيس السيسي: "البحيرات كانت بتتمثل فيها أفلام زمان واللى
كان عاوز حاجة بيعملها والدولة لن تغيب عن مصالح المواطنين، ولما البحيرة تخلص هتبقى
قصة تانية، والله اللى بيتعمل فيكي يا مصر ميخطرش على بال حد".
وطالب الرئيس السيسي الإعلام لتوضيح الصورة للرأي العام من أجل بناء وعى
حقيقي قائلا: " الحكاية كبيرة علشان نتصدى لبناء وعى حقيقي في الحفاظ على دولة
بما يليق بدولة بحجم مصر"، مطالبا المسئولين بتسليم الدولة فى أحسن صورها للأجيال
القادمة".
وقال الرئيس عبد الفتاح السيسى، إن الدولة تعمل على تصويب البناء العشوائى،
مضيفًا: "الدولة تعمل على حل مشاكل الكهرباء
والصرف الصحى والمياه والغاز، ويجب على الدولة والمواطنين احترام التخطيط المتكامل
".
وأضاف وفى رسالته للمواطنين والإعلاميين،: "لما بنتكلم بنتكلم عشان
التحدى.. ومفيش تحدى خطر على مصر إلا من داخل مصر، وأرجو أن تنظروا للمنطقة حولكم..
وعندما يتحرك الناس قادرين يهدوا بلادهم.. مفيش حاجة عندى.. وانا هستنى عشان يبقى عندى
وأنا بيكم.. دا أنا هفضل أكرر حتى يبقى عندكم مناعة ضد هدم البلد.. هفضل أكرر عشان
أبقى قدام ربنا عملت اللى عليا مع الناس فى مصر وفهمتهم خطورة أى تحرك".
وتابع الرئيس حديثه: "الدولة تبذل جهد جبار عشان تحل مشاكل وتقنعكم، والناس بتقول هو مستعجل كدا ليه!.. هو أنت كل مرة هتتكلم هتكرر كلامى!.. أيوة.. وأتمنى من كل المسئولين يكرروه عشان المناعة لشبابنا الصغار اللى لسه طالع، الل كان عنده فى 2011 حوالى 10 سنين النهارده عنده 17 ، ومشفش وميعرفش.. والتوعية مش مبنية على مدة زمنية على الناس اللى حضروا الأحداث وفهموا المخاطر، التوعية فى الجامعة والمسجد والكنسية.. البلد البلد البلد.. مصر بينا واستقرارنا نقدر نعمل كتير".
وواصل: "هتقولوا لى فيه حاجة؟.. والله مافيه حاجة.. زى الفل، وأنا
مش ببص على دلوقتى بس.. أنا ببص على دلوقتى وبكرة وبعده والسنين اللى جاية.. وكل ما
فيه استقرار اتحركنا للأمام ومفيش عودة مرة تانية للخلف.. وكل حاجة معروفة ومحطوط لها
استثماراتها وأموالها ولو حطينا محطة الضبعة مع مشروعات الكهرباء يبقى بنتكلم فى تريليون
جنيه.. وبقول كدا إننا متحركين بشكل أكثر من رائع وسنستمر فيه بجهدكم وصبركم، وأنتوا شايفين النتائج.. إحنا كنا
بنتكلم فى وضع اقتصادى عام 2016 كان كارثى، والنهارده ما شاء الله أفضل وسنتحسن أكثر".
