بالصور.. التفاصيل الكاملة لاعتداء فرد أمن بمدينتي على ساكن

وقالت، في منشور لها على أحد جروبات "مدينتي" على موقع التواصل الاجتماعي "فيسبوك":" الأمن هو سبب البلطجة وقلة الأدب والاعتداء على ابني الشاب اللي عنده ١٧ سنة اللي بعلمه إزاي يبقى رجل بتصرفاته وبكلامه ويجي فرد أمن عند مترو ماركت يكلمه بمنتهى قلة الذوق ويطلب من ابني وأصحابه أنهم يمشوا لأن ممنوع قعدتهم هناك".

وتابعت قائلة: "سأله ابني بالأدب ممنوع ليه احنا قاعدين بأدبنا  فيرد عليه فرد الأمن بالبونية في وشه ويعوره فوق عينه ويسب ويشتم، ولما ابني وأصحابه يقوموا يصدوا الاعتداء يجي ثلاثة من الأمن زمايل المعتدي يحوشوا الأولاد عن زميلهم اللي لسه شغال شلاليت في الهوا على الأولاد ولسة بيحاول يضربهم تاني ولسه بيشتم".

واستكملت: "و ابني يكلم والده و سبحان الله كان لسه خارج من البيت وعند صينية مترو فوصل له في لحظات يستمر فرد الأمن في قلة الأدب والبلطجة حد يفهمني ايه اللي بيحصل، وحد يجيب لي حقي لأن اللواء والعقيد اللي هناك وعدوا زوجي بأنهم هايجيبوا لابننا حقه لكن أنا عايزة حقي زي ما ربنا قال العين بالعين والسن بالسن".

من جانبها، نفت إحدى دى السكان بمدينتي الواقعة، وقالت في تعليق لها على المنشور: "الأمن قرب منهم وأنا ماسمعت الحديث على الأغلب طلب منهم عدم الجلوس على محول الكهرباء بجوار المترو هم بدأوا الصياح بصوت عال وهجموا عليه وجاء بقيه أفراد الأمن  يخلصوا بينهم".