«كان قلبه حاسس».. هيثم أحمد زكي توقع نهايته بهذه الطريقة

 

نعى نجوم الفن، الفنان الشاب هيثم أحمد زكي، الذي وافته المنيه فجر اليوم، إثر هبوط حاد في الدورة الدموية"، عن عمر يناهز 35 عاما.

 

"عاش وحيدا ومات وحيدا"، هذه الجملة كانت الأكثر إثارة للحزن، واستخدمها نجوم الفن، لنعي "هيثم"، نظرا إلى أنه توقع أن تكون نهايته بهذه الطريقة، حين أكد لبعض المقربين منه، أن ينتظر أن يموت وحيدا، كما عاش وحيدا، بعد وفاة والدته الفنانة الراحلة هالة فؤاد، ووالده النجم الراحل أحمد زكي. 

ونعى المخرج مجدي الهواري، هيثم زكي قائلا: "هيثم أحمد_ذكي عاش ومات وحيد.. عرفت بس دلوقتي. حكمة ربنا إنه يموت صغير علشان يروح لأهله ! لأنه لوحده في الدنيا ! لأن مفيش حد يستلمه لأن كل اللي خدوه في حضنهم لما أبوه مات اختفوا من حياته رغم إنه وصاهم عليه !! وعمل حاجات وضحي بحياته في آخر فيلم علشان هيثم ومش عايز أقول أسماء ولا وقائع ربنا يسامحهم بقى!! وعلشان كده كمان معنى الدعاء للميت اللَّهُمَّ أبدله داراً خيراً من داره، وأهلاً خيراً من أهله، وأدخله الجنّة".

 

أما ناهد السباعي فقالت: "إنا لله و إنا إليه راجعون مكنتش مصدقة غير لما روحت عند البيت واجع قلبي طول عمرك من واحنا صغيرين علطول بتقولي يانودي أنا خايف أموت لوحدي ف البيت ومحدش يحس بينا وحاسس إني هموت صغير وأنا دايما أرد أقولك إنت بتقول كده عشان رخم ونكدي لو كنت صدقتك كنت فضلت علطول قاعدة معاك يا صاحبي وأخويا وجاري وعشرة عمري من ساعة م اتولدنا... لو كنت أعرف إن ديه آخر مرة أكيد كانت هتفرق في الفراق".

 

ونعى عمرو سعد "هيثم"، قائلًا: "حبيبي هيثم أحمد ذكي، من النهاردة مافيش يُتم تاني، نام وارتاح في حضن أغلي الناس... أمك وأبوك، حزن وصدمة وإحساس بالألم لكني لا أملك غير الدعاء ليك من قلبي وبكل صدق بالرحمة والمغفرة ولقاء الأحبة في سلام، والله هو الرحمن الرحيم".

وطلب أحمد الفيشاوي الدعاء لصديقه قائلا: "اقرأوا الفاتحة لأخويا هيثم أحمد زكي .. البقاء لله".

 

وتمنى السيناريست والفنان تامر حبيب: "نفسي تبقى إشاعة أو خبر كاذب.... مقهور وعاجز عن أي تعبير...".

 

وقالت الإعلامية إسعاد يونس: "الحدوتة ابتدت وخلصت، كلها خلصت، وكل أبطالها راحوا، عساهم يتقابلوا في جنة الرحمن، فكرة بتعزي القلب الموجوع".

 

ونعى خالد الصاوي نجل أحمد زكي قائلا: "لا اله الا الله مع السلامه يا هيثم مع السلامه يا حبيبي يا طيب يا محترم ربنا يرحمك يا حبيبي ويعوضك في الجنة اللي اتحرمت منه في الدنيا هتوحشنا يا هيثم مع السلامة يا عاكف يا جبلاوي، هيثم أحمد زكي في ذمة الله ادعولو بالرحمة، الدنيا دي ولا تسوي ف ثانية هنمشي ونسيبها كلنا اللهم احفظنا من الموت على غافلة وأحسن خاتمتنا ولا تأخذنا إلا وأنت راض عنا يارب هتوحشنا يا هيثم".

 

أما أشرف عبد الباقي فقال: "إنا لله و إنا إليه راجعون .. الله يرحمك و يغفر لك و يسكنك فسيح جناته"، فيما كتبت الفنانة ياسمين عبدالعزيز: "يموت الإنسان ميفضلش غير سيرته الحلوة من الدنيا وأعمالة في الآخرة".

 

ونعت بشرى "هيثم" قائلة: "زمان كنت اسمع الكبار يقولوا فلان ده ابن موت و مكنتش بفهم معناها لحد ما كبرت وشوفت الموت بيخطف زينة الشباب الصغير من اصحابى وزمايلى وانا اظن انك يا هيثم ينطبق عليك مقولة ابن موت دى ...جيت و مشيت منها زائر خفيف زى ما تكون جيت عشان تمشى!! فقدت امك وانت صغير و بعديها ابوك و دلوقتى ربنا أراد يجمعك بيهم ...فى الجنة ان شاء الله...البقاء لله ولا اله الا الله هيثم احمد زكى...خبر مفجع لكن اللهم لا اعتراض ...".