الداعية معز مسعود يتعرض لحملة سخرية على فيسبوك بسبب صورة!

وانهالت الانتقادات الساخرة، على معز، من المعلقين على الصورة، فقال أحدهم: "لابس نضارة شمس في الجيم؟ بتفكرني بشباب دفعتي إللي بيلبسوا نضارة في المدرج.. حسبي الله".

وقال آخر: "يمكن دبلة عروسة جديدة ولا حاجة.. ربنا يقويك"، فيما علق متابع ثالث بالقول: "عقد جواز جديد، أو صورة العروسة.. بس إنت ليه مش بتعدد يا ميزو.. وسيم وغني وبتلعب جيم؟".

وقال متابع رابع: "يعني متصور في الجيم وعادي.. عامل البوست sponsored، مع إنها مجرد صورة في الجيم، مش حاجة مهمة، وبرضو عادي.. إنما لابس نضارة شمس جوا الجيم ليه؟!".

واستشهد آخر بآية قرآنية قائلا: "ينطبق عليه (أتأمرون الناس بالبر وتنسون انفسكم)، مش شرط تتأثر أو لابس المهم أن كلامه تمثيل وسبوبة".

وانتقدته متابعة أخرى قائلة: "أصعب حاجة الانتكاسة في الدين تبقى ماشي، في طريق وفجأة  تنتكس 180 درجة تدعو للحجاب، وتروح تتزوج  غير محجبة، تدعو لغض البصر، وتروح مهرجان شبه عرايا.. (أتامرون  الناس  بالبر  وتنسون  أنفسكم  وأنتم  تتلون  الكتاب)، دي الآية إللي تنطبق عليك".

وقالت أخرى: "أنت حياتك الشخصية متهمناش، الطبيعي أنك تتجوز إللي بتحبها وتروح المهرجانات، لكن إللي إحنا عايزينه منك، بطل نصح في الدين، لأنك فقدت مصداقيتك، مش لأنك إنسان وحش لا سمح الله، بس لأن الشيوخ ليهم سمات غيرك خالص، وأنت خليك في حياتك ربنا يهنيك".

في المقابل حاول أحد المتابعين الدفاع عن معز مسعود قائلاً: "الراجل عمره ما قال إنه شيخ، هو باحث عن الحقيقة، يا ريت نبطل نئذي الناس نفسيا".