رئيس التحرير
خالد مهران
count
count

رضوى الشربينى تدخل على خط أزمة مصطفى تورتة.. وهذا ما قالته لصاحبة الواقعة

نيهال ومصطفي تورتة_
نيهال ومصطفي تورتة_ أرشيفية


جهزت الإعلامية رضوى الشربيني «تورتة» على الهواء، قائلة لـ«نيهال»، صاحبة واقعة «مصطفى تورتة»: «أنا جيبتلك التورتة يا نيهال، عاجباكي التورتة يا حبيبتي»، متابعة: «ولا يهمك».

وقالت نيهال شعبان، صاحبة واقعة «التورتة»، إنها نشرت منشورًا يكشف تفاصيل الواقعة على "فيسبوك" ، حتى تقدم النصيحة لغيرها، معلقة: «ولكن أنا مش عايزة شهرة ولا أي حاجة، أنا الحمد لله عارفة قيمتي وسط أهلي وصحابي، والناس بترد عني».

واستكملت صاحبة واقعة «التورتة»: «الفضيحة عمرها ما هتكون فضيحة لأني وسط أهلي وصحابي، الفضيحة للي سابني ومشي».

وقالت الإعلامية رضوى الشربيني: «ابن حلال طلبها ونالها، بصي يا حبيبة قلبي ربك كبير وعظيم ومن حفر حفرة لأخيه وقع فيها، ده وقع في بركة مش في حفرة، ده انتهى ومش هيقوم منها تاني»، وتابعت موجهة حديثها لنيهال: «والنبي ما تزعلي نفسك، هاتي بوسة، أعملك إيه نفسك في إيه، أقسم بجلالة الله إللي هتقوليه دلوقتي لهيحصل».

في حين قالت «نيهال»: «خلاص أنا كده بقيت كويسة لما سمعت صوتك»، مطالبة الإعلامية بالذهاب إلى الإسكندرية لرؤيتهم، وأكدت رضوي اصطحاب بناتها وذهابها لنيهال في الإسكندرية.