الورقي
مرتضي منصور يرفض مبادرة راتب للصلح مع الخطيب انت بتنفخ فى قربة مقطوعة
رفض مرتضي منصور ،رئيس نادي الزمالك ، مبادرة الدكتور حسن راتب ،مالك قناة المحور ، للصلح مع محمود الخطيب ، رئيس نادي الاهلي .
وقال مرتضى منصور : جلسة لم الشمل مع الخطيب ؟ مع احترامي لحسن راتب، انت بتنفخ في قربة مقطوعة، شرف للخطيب أنه يقعد معايا .
وأضاف رئيس الزمالك: مع احترامي لحسن راتب، أنا مقعدش مع الخطيب، الخطيب لما يحب يقعد، يروح يقعد مع علاء مقلد .
قائلا : عملت مبادرات كتير من بينهم إذاعة ماتش الأهلي والترجي في الزمالك، راحوا رفعوا عليا قضية .
مرتضى منصور : الخطيب في حاله وأنا في حالي، ولو قبل الخطيب دعوة حسن راتب، يروح يقعد مع علاء مقلد، الخطيب معهد تعاون، أنا أسف ده كان بيجي ياخد دور عشان يقابلني، أنا مستشار ومؤلف قانون .
وكان الدكتور حسن راتب ، اعلن عن تبنى مبادرة للصلح بين رئيس الزمالك والاهلى حيث قال : محمود الخطيب من أعز أصدقائي ومرتضى منصور، بيتي مفتوح لمرتضى والخطيب، بعزم الاثنين ونقعد نفتح صفحة جديدة ونرجع الروح الرياضية .
وأضاف حسن راتب : أنا هقدم حاجة كويسة للطرفين لو المبادرة نجحت، أنا بعتذر لأي واحد مشاعره اتجرحت من اللي حصل في القناة، أنا بخلي نفسي من المسؤولية بس برضه بتحمل جزء منها، ياريت الناس تسامحنا .
