ضرب وشتيمة وبلطجة.. تحذير من الاشتراك بنادي وادي دجلة بعد هذه المهزلة (صور)

تعرضت «عضوة» بنادي وادي دجلة فرع أكتوبر ١ على طريق الوحات بجوار مول مصر، وشقيقتها وابنها للضرب المبرح على يد إحدى العضوات، بعد محاولة الأولى حماية ابنها الصغير من الضرب على يد زملائه بالنادي.

وقالت "ر.م" في منشور لها على أحد جروبات نادي وادي دجلة قائلة: "يا جماعة استغاثة مساعدة وتحذير عدم تعامل أو الاشتراك مع نادى وادى دجلة، الحكاية أن أنا زى أى أم مشتركة فى نادى وعايزة ابنى يدرب اى حاجة واستفاد من النادى الجشع اللى اشتركت فية مع كل الأسف حاولت إنى اشترك لابنى إسكواش عشان ابنى بيحبوا رفضوا لكثر waiting list  وقلة المدربين عشان ميدفعوش لمدربين على رغم من كل الفلوس اللى بيخدوها وفشلت انى اشترك طبعا دخلت فى مرحلة ثانية انى أقدم لرياضة ثانية وهى سباحة لابنى عشان يتمرن اى شئ ومن هنا حصل الكارثة.

وتابعت قائلة: «مع أول حصة لابنى وطبعا المستوى المتدنى من بعض الأعضاء اللى بقوا موجودين واللى بحذر الجميع منهم أن جروب من ٣ أولاد ١٣ و١٤ سنة مسكوا ابنى أثناء تمرين وأعدوا يشتموا ويقولوا لية انت زى البنت وصوتك زى البنت طبعا الولد قالهم اهو انتوا طبعا ازاى وازاى يرد عليهم اتفقوا علية وجمعوا نفسهم واستنوا دخولة للحمام بعد التمرين وانا منتظرة ابنى لقيت ولاد بيتكلموا ان يدخلوا يضربوا فى الحمام فعلا دخلوا يضربوا فى الحمام وعلى رغم من تواجد عامل نظافة الا ان مطلبش الأمن ولما سمعت صوت استغاثة ابنى من كثر الضرب وسالتوا ان فى شجار جوة الحمام انكر وكذب فى الاخر لما صوت بقى اعلى دخلت لقيت ابنى مرمى على الأرض وهما بيضربوا فيه".

واستكملت قائلة: "فى الآخر وبسبب إنى زقتهم بعيد عن ابنى وأتى الأمن وأمهات الأولاد اللى ضربوا ابنى ابتدت الأمهات بشتايم وتهديد وتوعيد ليا أنا وابنى وبعد تحقيق ضعيف من الأمن فى النادى نزلت الأمهات وعملوا كمين ليا ببلطجية ليا ولابنى ولاختى الأمن تركني أول ماشافهم واقفين مستنينى وإحنا مش شايفنهم فوجئت من خلفي فى الظلمة بتكتيف وضرب المبرح ليا أنا وابنى وأختى من ٢ بلطجية و٢ أمهات الأولاد وبعد فترة وصل الأمن بتاع النادى رفض احتجازهم ورفض تأمينى ورفض إعطائي معلومات عشان اقدر اعمل محضر واحفظ وارجع حقى».

وأضافت قائلة: «روحت قسم الشرطة رفض تحرير محضر عشان مافيش اسم أو معلومة عنهم رجعت للنادى رفض مرة أخرى ورفض إعطائي أى معلومة عنهم على رغم من وجود كاميرات والتصوير بتربصهم لينا وضربنا وعدم تأمينى من طرف نادى من إمبارح وأنا ابنى فى حالة إنهيار وأنا وأختى مرعوبين من اللى حصل فينا».