"إنستجرام" الصندوق الأسود للفضائح.. 4 نجوم من منتخب الفراعنة "وقعوا في الفخ"

موديل إعلانات تضع عمرو وردة في صدارة تويتر


نشرت موديل الإعلانات "ميرهان"عبر موقع تبادل الصور "إنستجرام" صورة من صندوق المحادثات الخاص بها، متضمنا رسائل من لاعبي المنتخب المصري أيمن أشرف، أحمد حسن كوكا، محمود الونش وهم يحاولون التحدث إليها وأيضا عمرو وردة . وقالت ميرهان عبر ستوري إنستجرام: “استنوا عليا شوية النهاردة بس أفضى وأنزلكم حاجة هتسليكم جدا وهتحزنكم وتقرفكم برضو جدا بس ده الواقع اللي لازم نفهمه، والله يا جماعة أول أمبارح ده كان يوم حافل، أول ما نزلت “ستوري” جديدة فجأة الناس دي ظهرت عندي، فجأة وراها على طول الرسايل بدأت، أولا أنا دايما برد على رسايلي خصوصا لو مصريين عشان محدش يقول واخدة في نفسها قلم”.

وأضافت ميرهان: "بس إن المنتخب الوطني كله يظهر عندي في نفس الوقت دي غريبة جدا وأكيد مش صدفة، ولحد كده كان عادي مفيش مشكلة، لكن واحد من الأساتذة يبعت يقولي أنا هعرف أجيب رقمك وانتى متعرفيش أنا مين وأنا محدش يطنشني دي بقى مش مضبوط".

وتابعت موديل الإعلانات: "للأسف عندنا في مصر لما بيحبوا حد في مصر بيطلعوه السما كأنه بطل، والواقع غير كده خالص، إحنا في مصر لو انتى بنت يبقى الغلط عليكي تلقائي بس إحنا هنا مش في مصر، يا ريت الأساتذة يركزوا، البطولة اللي الراجل الغلبان عندنا في مصر بيستلف ثمن الشاي عشان ينزل يتفرج عليكوا ده ما يجيلوش جلطة، والأستاذ اللي بيقولي أنتي مش عارفة أنا مين؟ لا معرفش.. بس عرفت بقى لما سألت وعرفت إن ليك سوابق في المواضيع دي والكل عارفها".