رئيس التحرير
خالد مهران
count
count

أغرب عملية طرد لـ«أم وبناتها» من شقتها بالرحاب.. اعرف القصة

مدينة الرحاب_ أرشيفية
مدينة الرحاب_ أرشيفية

استغاثت إحدى سكان مدينة الرحاب من بطش زوجها الذي سرق مصوغاتها ومصوغات بناتها وطردها من شقتها التي اشترتها منه قبل زواجهما.

ونشرت السيدة شكواها على إحدى مجموعات مدينة الرحاب قائلة: "أرجوكم أغيثوني أنا أرملة من ١٤ سنة وأم لـ٣ بنات وعايشة في مدينة الرحاب ومن حوالي ٦ سنوات كان في واحد عارض شقته للبيع في الرحاب اشتريتها منه وحطيت كل ما أملك من حطام الدنيا في الشقة دى وكمان استلفت من أخويا باقي ثمنها ووضبطها وسكنت فيها، الراجل اللي اشتريت منه الشقة اشتريتها بتوكيل في الشهر العقاري وعرف إني أرملة وطلب مني الزواج ووافقت عليه بعد مماطلة لأن بيني وبينه أكثر من ٢٠ سنة أكبر مني واتجوزنا في الشقة اللي اشتريتها منه".

وتابعت: "اتجوزنا لمدة سنة طبعا كان فيها منازعات بسبب فرق السن وبعد سنة حصلت مشكلة وروحت أودي بناتي الدرس وأجيب حاجات للبيت غير كالون الشقة وقالي أعلى ما في خيلك اركبية وطبعا كل ما أملك في الدنيا في شقتي من ضمنها عقد الشقة والذهب الفلوس وكل المستندات الخاصة بي أنا وبناتي الأيتام حتى هدومنا، وقام رفع عليه قضية إنه أعطاني الشقة "هبة" وإن أنا مدفعتش الثمن واستمرت حوالي سنتين ربنا نصفني في الآخر وكسبت القضية وبعدها رفعت قضية طرد وطبعا موصلتش لحاجة لأنه بيشتري المحامين بتوعي وبيشتغل شغل قذر وبيدفع فلوس لتغيير أرقام القضايا وضياع الملف وهكذا وكل ما أمشي في قضية علشان أخرجه من الشقة بيشتري المحامي بقالي ٤ سنوات وشهرين مش عارفة أدخل شقتي والديون اتراكمت وبناتي في جامعات ومدارس خاصة وأنا لوحدي في الدنيا مليش حد غير ربنا وأمي".
 
واختتمت السيدة حديثها قائلة: "للعلم معايا كل المستندات التي تثبت إنى مالكة الشقة وهو لا يملك أي ورقة تثبت أن الشقة يملكها، ساعدوني في الظلم اللي وقع عليه ومش عارفة آخذ حقي من الراجل الظالم ده أرجوكم أنا خلاص مش عارفة أعمل إية أرجوكم، عايزة حد ينصفني ويرجعلي شقتي وشقة بناتي الأيتام".