بالصور| تحذير هام جدًا.. طريقة «نصب جديدة» أمام مكاتب التأمينات فى «جنوب الجيزة»

وقال أسامة إبراهيم:«حصل مع والدتي عند تأمينات البدرشين، من حوالي كام أسبوع، أن فيه شابين كانوا  واقفين بره وبينتظروا أي حد بيكون بيقبض، وأول ما يخرج يمشوا وراه ويقولوا له يا حاج أو يا حاجه فيه فلوس وقعت منك، وأول ما يطلع فلوسه عشان يطمن يخطفوها منه، ولكن الحمدلله والدتي هزأتهم ومشيوا بسرعة، أول ما لقوها هتلم الناس عليهم، وكنت فاكر أكتب عن الموضوع ده بس نسيت».

وأضاف:«واللي فكرني أن نفس الكلام حصل مع حد في الحوامدية، وصاحبه حكاه على صفحة الحوامدية، وياريت الناس تخلي بالها وياريت الشرطه يكون ليها عناصر سرية وأهي قضايا هتجيلهم وسهلة، لازم نلحق أي جريمة من أولها وربنا يستر الناس وينتقم من كل نصاب محتال حرامي».

وأكد آخر قائلاً:«دلوقتي فى طريقة جديدة للنصب، أمي بعد ما قبضت المعاش من مكتب البريد اللي قبل البنزايون بالحوامدية، كان فى توك توك راكب فيه اثنين و مستنين هناك، فضلوا ماشين وراها لحد ما دخلت شارع البيت، راحوا قالولها فى فلوس وقعت منك يا حاجة، قالتلهم ماشي هات الفلوس، قالولها طيب شوفى الفلوس اللي معاكي، قالتلهم ماشي لما ادخل البيت، أول ما دخلت البيت راحوا جريوا بالتوك توك».