بالصور.. رئيس الحكومة يشتري طلبات العيد من كارفور دون حراسة

وقال أحد سكان مدينة الشيخ زايد في منشور له عبر صفحته الشخصية على "فيسبوك"، جارنا في الشيخ زايد رئيس الوزراء المهندس مصطفى مدبولي قابلته قبل كده كذا مرة بدون حراسة في سعودي ماركت وهو بيشتري طلبية البيت زي بتاعتنا بالظبط، وده أيام ما كان سعودي ماركت مميز في أسعاره وعروضه ومنتجاته، لكن بمرور الوقت وزي ما أنا انصرفت عن سعودي رئيس الوزراء نفسه ساب سعودي إللي قدام بيته خبط لزق وراح كارفور إللي في مول مصر البعيد عنه علشان يجيب منه حاجاته بما فيها البطيخة".

وتابع قائلاً:"واعتقد دي رسالة مهمة للناس إللي ماسكين سعودي إللي اعتقد إن الناس بقت بتدخله إما من باب إنه الأقرب والاصغر حجما أو من باب الفشخرة لإنه عارف وهو داخل إن أقل سعر في سعودي أعلى من نظيره في هايبر وان أو كارفور رئيس الوزراء طلع ناصح ومدبر مش غاوي فشخرة ومش بعيد يكون مشترك في ماي كلوب عشان يجمع نقط وده إللي أنا استنتجته النهاردة من صورته في كارفور مول مصر.

وقال أخر عبر منشور له على إحدى جروبات موقع التواصل الاجتماعي "فيسبوك": " بالرغم من إختلافي مع أداء الحكومات في مصر بس موقف جميل الصراحة انك تلاقي حد واقف جنبك في طابور طويل على الكاشير قبل الفطار وبيسلم عليك ويقولك كل سنة وانت طيب بكل إحترام وتلاقي الناس بتسلم عليه وتعرض عليه يقف قدامهم في الصف وهو رافض بكل إحترام الصراحة.

وتابع قائلاً:" الناس سألتني مش دة مصطفي مدبولي وانا  اصلاً ماعرفش مين مصطفي مدبولي الصراحة بس انبهرت لما عرفت انه رئيس الوزراء وماشي عادى من غير حراسة، بصراحة راجل محترم".