رئيس التحرير
خالد مهران
count
count

دينا الشربيني في أزمة بعد تصدرها أفيش «زي الشمس».. اعرف التفاصيل

مسلسل زي الشمس_ أرشيفية
مسلسل زي الشمس_ أرشيفية

تعرضت الفنانة دينا الشربيني لهجوم كبير بعد عرض الأفيش الخاص بمسلسلها " زي الشمس"؛ لاسيما بعد تصدرها الأفيش، وظهرت الفنانة سوسن بدر والفنان جمال سليمان آخر الأفيش.

من جانبه، اعترض الناقد " عبدالله جالويش" على النقد الموجه لدينا الشربيني عبر صفحته الشخصية على "فيسبوك"، قائلًا: "هو إيه المشكلة يا جماعة إن دينا الشربيني تبقى واققه قدام؟ هو ليه حضراتكم عاملين إنكم متفاجئين كده؟ هو المسلسل بطولة مين؟ والسنة اللي فاتت المسلسل كان بطولة مين؟".

وتابع: "هي كاملة أبوذكري ومريم نعوم من البداية عارفين إن ده مسلسل مين ؟ هو سامح عبدالعزيز وأحمد مدحت لما وافقوا يكملوا المسلسل مكان كاملة كانوا عارفين إنه بطولة مين؟ هو أحمد السعدني موقفش قبل كده في بوستر ورا هيفا وهبي وافتكر إن دينا بتمثل أحسن من هيفا ومحدش اتكلم وقتها؟ هو جمال سليمان ناقص مسلسلات مثلا؟ بس أكيد حاجة في المسلسل عجبته رغم دوره الصغير و"خلاه" يوافق زي ما حصل قبل كده في حليم وليلة البيي دول وأفراح القبة، وبالتالي طبيعي أنه ميتصدرش في البوستر.
 
واستكمل: "وبعدين بعيدا عن عمرو دياب، ومش دفاعا عن دينا بس هي واقعيا وفعليا بقالها أكثر من عشر سنين بتمثل وعملت مسلسلات وأفلام كثير ناجحة، مفيش حد بيجي له فرصة إنه يبقى بطل ويرفض، يسرا بقت بطلة إزاي ونيللي كريم بقت بطلة إزاي ودرة بقت بطلة إزاي وياسمين صبري بقت بطلة إزاي، طب ع الأقل دينا معملتش زي ياسمين واحترمت النجوم اللي معاها ومقالتش اطلع في البوستر لوحدي؟".

وختم قائلاً: "متفضلوش تقولوا زهقنا من الوجوه المكررة ولما ناس جديدة تاخد فرصة تقولوا هما مين دول، اهدوا على نفسكم كده وخلونا نتفرج على مسلسلات الكل الأول وبعدها نحكم مين يستحق ومين لا؟".