ابنة فيروز توجه تحذيرًا شديد اللهجة إلى أهل الفن.. والسبب!

وأوضحت: "الشرط الاوّل عدم التحريف بالأغاني وعزفها وتأديتها زََيْ ما هيّ.. وهيدا شي ما عم يحصل.. لأن عم يتم التحريف والتشويه كمان! عزفاً وآداءً ولفظًا ومدًّا وجزرًا.. يا رب إرحم! واذا ما تم التحريف عمدًا ما عم يصيبوا النوطات حُكمًا فإذن في تحريف لا بل تشويه!".

و"الشرط التاني دفع مستحقات الآداء العلني للساسيم وفقًا للشروط العامة المعمول بها وبالاستناد إلى برنامج أغاني و/أو موسيقى الحفل، وعن كل حفل".. الشي اللي كمان ما عم يحصل!".

"والشرط التالت عدم تسجيل أو تصوير او استغلال او توثيق هكذا مجزرة! الشي اللي كمان ما عم يحصل لأن الكل عم يصوّر بما فيهن الجمهور!".

وأكملت: "إذن يا حبايبي في خلل بكل الشروط اللي بتسمح بإنو يتم استعمال أي أغنية بالأداء العلني.. لذا المطلوب فورًا وقف هذا التعدّي السافر على الإرث الفيروزي الرحباني من جميع المعنيين وسحب كل النسخ المُسجلة و/أو المُصورة من الأسواق ومن منصّات التواصل الاجتماعي كافة أكانت مجانيّة أو ببدل اشتراك.. وهيدا تحذير جِدْ جدّي قبل المُلاحقة القانونية".

وأشارت: "وهالتحذير برسم الساسيم اللي ما عم تعمل شي إلا إنّها تغرُف من مردود هالأعمال اللي بيجي فقط من الخارج، عل وعسى من الآن وصاعدًا تعمل شغلها.. التوقيع ريما عاصي الرحباني والمفروض جميع الورثة".

ونوهت "ريما": "ملاحظة لمُردّدي إسطوانة "فيروز للجميع".. "وهاي محبّة".. "وما بدنا ياها تنتسى".. و"آوماج آفيروز.. أدبسيس! شيلو عنكن وما تغنّولنا ياها لأن بايخة ومُفتعلة كتير.. على فكرة بُشرى سارة جدًا على الأرجح بيجهلوها المُطبّلين والفنّانين! الحقوق المعنويّة ما بتموت.. ما بتموت.. ما بتموت.. وبتبقى لأبد الآبدين آمين".