بالصور.. منة فضالى تفضح "جواهرجي" مشهور قدم لوالدتها هدية "فالصو"

أعربت الفنانة منه فضالي عن استيائها من محل مجوهرات شهير بعد أن أهدى والدتها ساعة غير أصلية عبارة عن إكسسوار.

وقالت "منة" في منشور لها عبر صفحتها الشخصية على موقع التواصل الاجتماعي"فيسبوك"، لما واحد نعرفوا سنين وتقريبا عشرة عمر وبنعامله أحسن معامله وتقريبا برضه مشافش مننا غير كل خير واحترام لما الأستاذ المحترم اللي مصر كلها بتشتري من عنده دهب وألماظ بملايين وهو طول الوقت يقول أنا ملك الألماظ والمجوهرات يعمل حركة رخيصة زي دي يجيب هديه ل أمي في عيد ميلادها من شهر تقريبا وهي يا حببتي علشان مشكتش في عمرها".

وتابعت قائلة:"وقاعد يتمنظر قدام الناس ويقولها أنا جايبلك هديه غاليه اوي حافظي عليها والست متبصش وراه و تنساها وبالصدفه رايحة اديقها علي آد اديها يقولولي دي إكسسوار طب". 

واستكملت قائلة:" الموضوع بالنسبالي مش ساعة الموضوع أنت ليه بتتمنظر أصلا وأنت مش قد حركه زي دي وأصلا عملتها معايا كتير خاتم قولتلي إنه الماظ وطلع فضة وساعة وطلعت فلصو ودلوقتي أمي أنا مش مهم لكن ليه كده مش عيب عليك انت كان اكراملك متجبش اَي حاجه احسن من الحركة الواطية دي".