تعليق ناري من ريهام حجاج بعد اتهامها بخطف زوج ياسمين عبدالعزيز

منذ إعلان الفنانة ريهام حجاج، زواجها من رجل الأعمال محمد حلاوة طليق الفنانة ياسمين عبدالعزيز، وهي تتلقى هجوما من البعض عليها على مواقع التواصل الاجتماعي، بدعوى أنها كانت السبب وراء الانفصال بينهما.

وعلقت «حجاج» على انتشار صورة من زواجها الأول عبر السوشيال ميديا.

وقالت «ريهام» على حسابها على «انستجرام»: «الناس التافهة اللي اجتهدت عشان تطلع صورة قديمة لكتب كتابي من مجلة وتنشرها على إنها شىء ممكن يضايقني أحب أقولهم إطلاقا، كل محاولات التشويه اللي عمالة تحصل لواحدة اتجوزت على سنة الله ورسوله من راجل مطلق أصلًا إن دلت على شئ فتدل على مرض النفوس، ونصيحة للستات الفاضية، مفيش راجل بيتسرق».

وتابعت ريهام: «الناس بتتجوز وتطلق عادي وكل شئ قسمة ونصيب وربنا اللي بيبقي كاتب ومقدر، بلاش تفاهة ولو كل واحد طلع صورته من خمستاشر سنة هيلاقي شكله اختلف عادي!!»، خاصة صور الأفراح اللي فيها ٣ كيلو مكياچ، دا رسمة الحواجب بتفرق، المهم الجوهر وأنا مفيش حاجة في حياتي ممكن أتكسف منها واللي حاصل دا تفاهة وحقد عشان دا جواز».

وأضافت: «طبعا الكلام دا للمرضى النفسيين أما كل الناس الطبيعية إللي باركتلي وفرحتلي ومعرفتش أرد عليهم من كترهم، بشكرهم وبقولهم يا رب مسلسل كارمن يعجبكم، يوم ١٠ فبراير على سي بي سي إن شاء الله».