هذا مافعله مواطن مع سائق ميكروباص حاول رفع الأجرة بأكتوبر

تعرض أحد سكان مدينة 6 أكتوبر ويدعي " محمد عز"  لمحاولة إستغلال سائق خط "الدائري أكتوبر"، بعد محاولة السائق رفع قيمة الأجرة  الرسمية من 5.50قرش ل8جنيه بالإجبار على جميع الركاب، ولكنه أعترض على ذلك ورفض دفع الزيادة.

وقال في منشور له على إحدى جروبات موقع التواصل الاجتماعي "فيسبوك"، "ركبت النهاردة ميكروباص من الدائرى لأكتوبر بعد ما أتحركنا السواق قال الأجرة 8 جنيه مع العلم انها بعد الزيادة بقت رسمى 5.50قرش، وبندفع 6 جنيه، ،اعترضت و معايا 2كمان، واجبرت معظم الركاب انهم يدفعوا 6 جنيه بس السواق بعد ما مشي حوالي 3 كيلو قام نازل ولافف وعايز يرجعنا الموقف تاني قلت له ماعنديش مشكلة رجعني تاني طبعا السلبية من الناس بدأت تظهر، يا استاذ زوده جنيه كمان والسواق ساق فيها واتنطط بأسلوبه الهمجي.

وتابع قلت له "مش دافع غير الاجرة بتاعتك مش عاجبك عند أى كمين أو ضابط مرور وأقف نسأله المهم الناس السلبية قعدت تهدي فى السواق و تستعطفه عشان يلف بينا تاني المهم لف وفسحنا فى عز الحر.

وأستكمل يشاء السميع العليم واحنا نازلين من المحور يكون كمين المرور واقف قمت فاتح الشباك وندهت للضابط ورتبته عقيد وقلت له السواق بيطلب أجرة زيادة قام موقفه وطلب الرخص.

وأستكمل "نزلت وراء السواق يقوم نازل معايا واحد من الركاب يطلع مع الاسف دكتور بجامعة مصر وأحنا متجهين للضابط بيقولي حرام عليك هيتبهدل بسببك قلتله لو معاه الحق يتبهدل ليه قمة السلبية فعلا وبيدرس ازاي ده للطلبة مش عارف المهم الضابط اداهم هما الاتنين درس وسحب الرخص والسواق اللي كان عامل بطل اتحول لقطة وقعد يعيط استسمحت الضابط انه يرجعله رخصه تاني و فعلا قد كان".

وختم قائلا ماتسمحش لحد يزود عليك أو يستغلك انا الـ 2 جنيه مش هيفرقوا معايا لو سلمت فيه غيري ميقدرش يدفعهم و هيبقي أمر واقع، بلاش تنسحب مع السلبية اللي بقت موجودة فالناس، ما تسيبش حقك".