الورقي
بالصور.. ساكن بـ«الرحاب» يكشف إهمالًا جديدًا في المدينة
أعرب أحد سكان مدينة الرحاب عن استيائه من الإهمال الذي تعرضت له المدينة وانتشار القمامة بمجموعة 26.
ونشر «حسن قنديل» صورة له على جروب مدينة الرحاب على موقع التواصل الاجتماعي «فيسبوك» وعلق عليها بقوله: «كل سنة وأنتم طيبين، مجموعة 26 اليوم، رحاب الدويقة».
ولاقى المنشور ردود أفعال واسعة بين سكان المدينة، وقال «فهمي»: « كل المجموعات كدة واضح إن عمال النظافة كانوا مشغولين بالتسول وسابوا مهمتهم الأساسية، دعوة للى ناوى يشترى من طلعت مصطفى فى العاصمة الإدارية تعالوا شوفوا الشركة الفاشلة».
أما «صفا إسماعيل» فقالت: « سلوكيات ناس مش نضيفة حقيقي العمالة من دورهم أن يحرسوا صناديق القمامة ولا يلموا الورق اللى الناس الزبالة بيرموه في الأرض، أول لما بتيجي الإجازات بتفضح السلوكيات الهباب بتاعت الناس والرحاب بتقلب مزبلة في ساعتين».
فيما قالت «سلوى عمارة»: « ايه ده الصورة دى لازم توصل للإدارة علشان قبل مايطالبونا بفلوس الصيانة يعملوا واجبهم الأول، حاجة مقرفة بجد»، فيما طالبت «مريم محمد» السكان بإرسال هذه الصور لهشام طلعت مصطفى على الـ«واتس آب» ليعرف إلى أين وصلت الرحاب.
من جانبه، قال «بولا عادل»" «الدويقة أنضف من كده وعربيات الزبالة بتلف تاخد الزبالة كل يوم، والأهم إن مفيش مياه بتقطع فيها».
